اقتاۋلىقتار 6 جاسار قىزدى زورلاعان ادامنىڭ جازاسىن قاتاڭداتۋدى سۇراپ، ق ر پرەزيدەنتى نۇرسۇلتان نازاربايەۆقا جولداناتىن حاتقا قول جيناپ جاتىر، - دەپ حابارلايدى Qamshy.kz Tengrinews.kz - كە سىلتەمە جاساپ.

اقتاۋ تۇرعىندارى التىنگۇل مەن اننا تاياۋدا نۇرسۇلتان نازاربايەۆقا جىبەرىلگەلى وتىرعان پەتيسياعا قول جيناپ جاتىر. 

التىنگۇل احمەتوۆا الەۋمەتتىك جەلىدە وبلىس تۇرعىندارىنا ۇندەۋ جاريالادى. "قۇرمەتتى ماڭعىستاۋلىقتار جانە نيەت بىلدىرۋشىلەر!!! رەپوست سۇرايمىن، ارىپتەستەرىڭىزدىڭ، دوستارىڭىزدىڭ اراسىندا وسى حاتتى تاراتىڭىزدارشى، ءبىز وسى حاتتىڭ مازمۇنىمەن كەلىسەتىن تۇرعىنداردىڭ قولىن جيناپ جاتىرمىز. ا4 پاراق الىپ، اتى-جوندەرىڭىز بەن ونىڭ جانىنا قولدارىڭىزدى قويىڭىزدارشى! قول كوپ قويىلسا جاقسى! ءتىزىم جازىلعان پاراقتارىڭىزدى 31 تامىزعا دەيىن 28ا ىقشاماۋدانى، 9 ءۇي مەكەن-جايىنا جەتكىزىپ بەرىڭىزدەرشى! ءوزىم بارلىعىنا بىردەي بارىپ ۇلگەرمەيمىن! 1 قىركۇيەكتە حاتتى استاناداعى كەڭسەگە جولدايمىز!!! مەنىڭ ءنومىرىم 87717536798. بەي-جاي قالماۋلارىڭىزدى سۇرايمىن!!!"، - دەپ جازدى ايەل. 

اننانىڭ ايتۋىنشا، قول قويۋعا نيەت بىلدىرگەندەر وتە كوپ. 

"نيەت بىلدىرگەندەر وتە كوپ، كەلىپ جاتىر. تۇرعىندار بۇل وقيعاعا بەي-جاي قاراي المايدى، ءارقايسىسى ۋايىمداپ وتىر. بۇگىن التىنگۇل پەتيسيانىڭ ءماتىنىن الىپ كەلەدى، ءبىز ونى قولدارمەن قوسىپ، بارلىعىن دايىندايمىز"، - دەدى ول. 

قازىرگى ۋاقىتتا پەتيسياعا جۇزدەگەن اقتاۋلىق قول قويىپ ۇلگەردى. حاتتى جولداۋ مەرزىمىن ەكىنشى قىركۇيەككە اۋىستىرىپتى، سەبەبى اتا-انالار تەلەفون سوىپ، مەكتەپتەردە قول قويۋعا ۇلگەرمەي جاتقانىن ايتقان. 

ەسكە سالايىق، وقيعا 20 تامىزدا اقتاۋ قالاسىندا بولعان. تۇسكە دەيىنگى ۋاقىتتا اجەسى 6 جاسار نەمەرەسىمەن №1 ىقشاماۋدانداعى جۇمىسىنا كەلگەن. نەمەرەسىنە قاراۋعا ۋاقىتى بولماعان اجەسى بالاسىنا تەلەفون سوعىپ، قىزىن الىپ كەتۋىن سۇراپتى. ءبىرشاما ۋاقىت وتكەننەن كەيىن ايەل ءوز نەمەرەسىنىڭ جوق ەكەنىن بايقايدى. باستاپقىدا ول نەمەرەسىن اكەسى الىپ كەتتى ەكەن دەپ ويلايدى. الايدا تەلەفون سوعىپ، قىزدىڭ اكەسىنىڭ كەلمەگەنىن بىلگەن ول نەمەرەسىن ءوزى ىزدەي باستايدى. جوعالعان قىزدىڭ تۋىستارى ونى باستاپقىدا وزدەرى ىزدەگەن. ارادا 2،5 ساعات وتكەننەن كەيىن ولار پوليسياعا حابار بەرگەن. جوعالعان قىزدى ىزدەستىرۋگە ماڭعىستاۋ وبلىستىق ىشكى ىستەر دەپارتامەنتىنىڭ جەكە قۇرامى تۇگەلدەي جۇمىلعان. 

پوليسياداعىلار قىزدىڭ سول كۇنى 17.30 شاماسىندا تابىلعانىن حابارلاپتى. قىزدىڭ جاعدايى اۋىر بولعان، كوپ قان جوعالتقان، كۇن ءوتىپ كەتكەن. ءتارتىپ ساقشىلارى ونى "نۇر پلازا" جاعالاۋىنا قاراما-قارسى ساياجايدان تاپقان. قىز بالالار اۋرۋحاناسىنىڭ جانساقتاۋ بولىمىنە جاتقىزىلدى. وسى ۋاقىتتا پوليسەيلەر بىرنەشە كۇدىكتىنى ءىزىن سۋىتپاي ۇستاعان. پوليسيانىڭ مالىمەتىنشە، قازىرگى ۋاقىتتا ۇستالعانداردىڭ بۇل قىلمىسقا قاتىسى بار-جوعىن انىقتاۋ ءۇشىن سوت-مەديسينالىق ساراپتاما جۇرگىزىلىپ جاتىر. ال كەيىن پوليسەيلەر 6 جاسار قىزدى زورلاعان ادامدى ىزدەستىرۋگە كومەك سۇراپ، كۇدىكتىنىڭ باعىتتاماسىنتاراتتى. وسى دەرەككە "زورلاۋ" بابى بويىنشا قىلمىستىق ءىستىڭ قوزعالعانى بەلگىلى.

"لادا" باسىلىمىنىڭ مالىمەتىنشە، اقتاۋداعى اۆتوجوندەۋ ورتالىقتارىنىڭ ءبىرىنىڭ يەسى قىلمىسكەردى تاپقاندارعا 100 مىڭ تەڭگە كولەمىندە سىياقى جاريالادى. 

"ءوزىمنىڭ 10 جاستاعى قىزىم بار، بۇل مەن ءۇشىن سۇمدىق قىلمىس. سوندىقتان ءوز ازاماتتىق ۇستانىمىمدى كورسەتىپ جاتىرمىن. پوليسياعا كومەكتەسۋ ءۇشىن ەمەس، ءتىپتى جارنامالانۋ ءۇشىن ەمەس، مەن سول حايۋاننىڭ ۇستالىپ، جاۋاپقا تارتىلعانىن عانا قالايمىن"، - دەدى ول. 

ال وسىعان دەيىن قىزدى زورلادى دەلىنگەن كۇدىكتىنىڭ ءتۇسىپ قالعان ۆيدەوسى جاريا بولعان ەدى.