باتۋمي مەن سوچيدەن دەر كەزىندە كەرى قايتا الاي قالعان ەلىمىزدىڭ تۋريستەرى «Skybus» كومپانياسىمەن سوتتاسپاق! ۇشاعىنان تەحنيكالىق اقاۋ شىققان سوڭ، اۋە تاسىمالداۋشىسى بارلىق رەيستەرىن كەيىنگە قالدىرعان ەدى. سونىڭ كەسىرىنەن 300-گە جۋىق وتانداسىمىز ءتورت كۇننەن بەرى كۋرورتتى قالادان ەلگە قايتا الماي جاتىر، - دەپ حابارلايدى Qamshy.kz كتك ارناسىنا سىلتەمە جاساپ.
نەگىزى ولار وتكەن جۇمادا ەلگە ورالۋى ءتيىس ەدى. ءبىراق باتۋمي مەن ءسوچيدىڭ اۋەجايلارىن جاعالاپ ءجۇر. ويتكەنى كەز-كەلگەن ۋاقىتتا ەلگە ۇشاق شىعىپ قالۋى مۇمكىن. ونىڭ ۇستىنە تۋريستەردى سان سوقتىرعان «Skybus» كومپانياسى دا ءمان-جايدى اشىپ ايتپاي وتىر. تەك وتانداستارىمىزدى ەلگە قايتارۋ ءۇشىن باسقا ۇشاق جىبەرىپتى. ءقازىر ولاردىڭ العاشقى لەگى اتىراۋ مەن قاراعاندى اۋەجايلارىنا قونىپ ۇلگەردى. قالعاندارى دا بۇگىن تۇندە ۇيلەرىنە ورالۋى ءتيىس. ابدەن اشۋعا مىنگەن تۋريستەر ەندى اۋە كومپانياسىن سوتقا بەرمەكشى.
- ءتورت كۇنىمىز زايا كەتتى. تەڭىزدىڭ جاعاسىندا جاتساق تا ءوزىمىزدىڭ جوسپارىمىز بار عوي. ەلدە ىستەيتىن جۇمىستار كوپ. سوندىقتان اۋە كومپانياسى شىعىندى وتەۋى ءۇشىن سوتتاسامىز، - دەيدى تۋريست ۆيتاليي نەسىپبايەۆ.
