قاراعاندىدا چەرنوبىل قاھارماندارىنا ەسكەرتكىش ورناتىلدى. ەسكەرتكىشتىڭ سالتاناتتى اشىلۋ راسىمىنە قاراعاندى وبلىسىنىڭ اكىمى نۇرمۇحامبەت ابدىبەكوۆ قاتىستى، -  دەپ حابارلايدى Qamshy.kz BNews.kz - كە سىلتەمە جاساپ.

«بۇگىن قالامىزدا چەرنوبىل اتوم ەلەكتر ستانسياسىنداعى اپاتتى جويۋعا قاتىسقاندارعا ارناپ ەسكەرتكىش بەلگى اشىپ وتىرمىز. چەرنوبىل اۋقىمى جاعىنان ەڭ ۇلكەن رادياسيالىق اپات الىپ كەلدى. 30 جىل بۇرىن ورنى تولماس قايعىنى باستان كەشتىك. سول ۋاقىتتا ەلىمىزدەگى بۇكىل ۇلتتىڭ وكىلدەرى باس كوتەرىپ، اپاتتى جويۋعا ءبىر كىسىدەي اتسالىستى. ۋكراينا حالقىن قۇتقارۋ جولىندا باۋىرلاس مەملەكەتتىڭ وكىلدەرى رادياسيادان دا، ونىڭ سالدارىنان دا قورىققان جوق. بۇگىن ءبىز ولاردىڭ ەرلىگىنە باس يەمىز. ءبىز، سول قاھارمانداردىڭ ۇرپاعى، باۋىرلارى ولاردى ماقتان تۇتامىز، ولاردىڭ ەرلىگى ماڭگى جادىمىزدا جانە ءبىز ۇلى وتان سوعىسىنىڭ ارداگەرلەرىن قۇرمەتتەگەندەي ولارعا دا قۇرمەت كورسەتەمىز»، - دەيدى ءوڭىر باسشىسى.

ايتا كەتەيىك، اقپان ايىندا «وبلىستىق چەرنوبىل ارداگەرلەر وداعى» قوعامدىق بىرلەستىگىنىڭ مۇشەلەرى وبلىس اكىمىنە حابارلاسىپ، چەرنوبىل قاھارماندارىنا ەسكەرتكىش ورناتۋعا ءوتىنىش جاساعان بولاتىن. ەسكەرتكىشتىڭ اۆتورى – يگور باگراموۆ.