"ەگەمەن قازاقستان" گازەتى 1 قىركۇيەكتەن باستاپ جاڭا ديزايندا ءتۇرلى ءتۇستى فورماتتا شىعا باستايدى، - دەپ حابارلايدى Qamshy.kz.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندەگى باسپا ءسوز جيىنىندا «ەگەمەن قازاقستان» رەسپۋبليكالىق گازەتى» اق باسقارما ءتوراعاسى دارحان ءقىدىرالى مالىمدەدى.

ء-بىر عاسىرلىق تاريxى بار ەلىمىزدىڭ باستى گازەتى «ەگەمەن قازاقستان» سوڭعى ءبىر ايدىڭ ىشىندە ءوزىنىڭ ستراتەگيالىق دامۋ كونسەپسياسىن جاسادى. سوعان سايكەس وزگەرىستەر كوپ. الدىمەن گازەتتىڭ لوگوتيپىن دايىندادىق. جاڭا لوگوتيپتە گازەتتىڭ عاسىرلىق تاريxى كورىنىس تاپقان، - دەيدى دارحان ءقىدىرالى.

ونىڭ ايتۋىنشا، گازەتتىڭ جاڭا مەكەتى شەتەلدىك باسىلىمداردى سارالاي وتىرىپ جاسالعان. گازەتتىڭ العاشقى بەتىندەگى «ەگەمەن قازاقستان» دەگەن اتاۋدىڭ قارپىنەن باستاپ وزگەرىسكە ۇشىراعانىن ايتتى.

باسقارما باسشىسىنىڭ ايتۋىنشا، ەلىمىزدىڭ باس گازەتى ءبىر بەتىن سپورتقا ارنايتىن بولادى.

-سونداي-اق، ەكونوميكالىق تالداۋالارعا، ساياسي شولۋلارعا، الەۋمەتتىك ماسەلەلەرگە، ينفوگرافيكاعا، فوتورەپورتاجعا كوڭىل ءبولۋدى جوسپارلاپ وتىرمىز. قازىرگى كەزدە گازەت ا2 فورماتىمەن شىعىپ ءجۇر. بولاشاقتا -ا2 فورماتىنا كوشۋدى ويلاستىرۋدامىز. بۇل بىردەن بولا قوياتىن شارۋا ەمەس. سەبەبى، بىزدەگى باسپاxانالاردىڭ مۇمكىندىگى ازىرگە وعان جەتە بەرمەيدى»، - دەيدى «ەگەمەن قازاقستان» رەسپۋبليكالىق گازەتى» اق باسقارما ءتوراعاسى دارحان ءقىدىرالى.

ايتا كەتەيىك، باس گازەتتىڭ جاڭا فورماتتاعى ۇلگىسى الدىمەن استانا قالاسىنىڭ وقىرماندارى ءۇشىن قولجەتىمدى بولماق. ال كەلەر جىلدان باستاپ ەلىمىزدىڭ بارلىق وڭىرىنە جاڭا فورماتپەن تارايتىن بولادى.