وزبەكستان پرەزيدەنتى يسلام كارىموۆتىڭ قىزى لولا كارىموۆا-تەلليايەۆا ينستاگرامداعى پاراقشاسىندا وتانداستارىن تاۋەلسىزدىك كۇنىمەن قۇتتىقتادى، - دەپ حابارلايدى Qamshy.kz.

«بارلىق وتانداستارىمدى شىن جۇرەكتەن تاۋەلسىزدىك كۇنىمەن قۇتتىقتايمىن! وزبەكستاننىڭ ەڭبەكقور، شەكسىز تالانتتى جانە اقجۇرەكتى حالقىنا باقىت، مولشىلىق پەن گۇلدەنۋ تىلەيمىن. ءبىزدىڭ قاسيەتتى جەرىمىزدە تەك بەيبىتشىلىك پەن تىنىشتىق، وتانىمىز سان عاسىر بويى ماقتانىش ەتىپ كەلە جاتقان ءتۇرلى ۇلت پەن ءدىن وكىلدەرى اراسىندا تولەرانتتىلىق پەن ءوزارا سىيلاستىق جاساي بەرسىن!»، - دەپ جازادى ول.

سونداي-اق، ل. كارىموۆا-تەليايايەۆا قيىن ساتتە اكەسىنىڭ تەز ايىعۋىنا تىلەكشى بولعاندارعا دا العىس ءبىلدىردى.

«مەن سونىمەن قاتار، سىزدەردىڭ بارلىقتارىڭىزدى ءبىزدىڭ پرەزيدەنتىمىزدىڭ تەزىرەك ايىعۋىنا تىلەكتەس بولعان مەيىرىمدى، شىنايى قولداۋلارىڭىز ءۇشىن العىس بىلدىرەمىن! بۇل ءبىز ءۇشىن كوپ ماعىنا بەرەدى جانە مەن سىزدەردىڭ جۇرەكتەرىڭىزدىڭ تەرەڭىنەن شىققان بۇل مەيىرىم كۇشى ونىڭ ايىعۋىنا كومەكتەسەتىنىنە سەنەمىن. سىزدەرگە كوپ راقمەت!»، - دەيدى ل. كارىموۆا-تەلليايەۆا.

ەستەرىڭىزگە سالساق، ي. كارىموۆ ميىنا قان قۇيىلىپ، رەانيماسيا بولىمىندە جاتىر. بۇعان دەيىن ءبىرقاتار اقپارات قۇرالدارى ونىڭ كوز جۇمعانى تۋرالى حابار تاراتقان. رەسمي تاشكەن بۇل اقپاراتتاردى جوققا شىعارعان جوق، راستامادى دا.