ۇلتتىق قاۋىپسىزدىك كوميتەتى 12-30 تامىز ارالىعىندا اقتوبە جانە باتىس قازاقستان وبلىستارى اۋماعىندا ءۇش راديكالدى توپتىڭ ىس-ارەكەتتەرىنە توسقاۋىل قويدى، - دەپ حابارلايدى Qamshy.kz كوميتەتتىڭ باسپا ءسوز قىزمەتىنە سىلتەمە جاساپ.

ناتيجەسىندە راديكالداردىڭ قۇقىق قورعاۋ قىزمەتكەرلەرىنە شابۋىلدار جاساۋ، سونداي-اق حالىق كوپ شوعىرلاناتىن ورىنداردا تەرروريزم اكتىلەرىنىڭ جاساۋ جوسپارلارىن ىسكە اسىرۋ نيەتتەرى بۇزىلعان.

«توپ مۇشەلەرىنىڭ تۇرعىلىقتى مەكەنجايلارىن ءتىنتۋ بارىسىندا بىرنەشە اتىس قارۋى جانە وعان قاجەتتى وق-دارىلەر، تروتيل، قولدان جاسالعان جارىلعىش زات، سۋىق قارۋ، ەكسترەميستىك مازمۇنداعى باسپا جانە اۋديو ماتەريالدار، حالىقارالىق تەرروريستىك ۇيىمداردىڭ تولبەلگىلەرى الىندى.

بۇعان قوسا، توپ مۇشەلەرىنىڭ بىرىنەن ءوز ىس-ارەكەتتەرىن قارجىلاندىرۋ ماقساتىندا تەڭگەلىك جالعان اقشالار، ارنايى قاعاز، كومپيۋتەرلىك جانە كوبەيتۋ تەحنيكاسى تابىلدى»، - دەلىنگەن باسپا ءسوز حابارلاماسىندا.

ۇقك «كورسەتىلگەن توپ مۇشەلەرىنە قاتىستى ق ر قىلمىستىق كودەكسىنىڭ 174 («الەۋمەتتiك، ۇلتتىق، رۋلىق، ءناسiلدiك،تەكتىك-توپتىق نەمەسە دiني الاۋىزدىقتى قوزدىرۋ»)، 256 («تەرروريزمدi ناسيحاتتاۋ نەمەسە تەرروريزم اكتiسiنجاساۋعا جاريا تۇردە شاقىرۋ»)، 257 («تەرروريستىك توپ قۇرۋ جانە ونىڭ قىزمەتىنە قاتىسۋ»)، 231 («جالعان اقشا نەمەسە باعالى قاعازدار جاساۋ، ساقتاۋ، الىپ ءوتۋ نەمەسە وتكىزۋ»)، 287 («قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ»)، 288 («قارۋدى زاڭسىز جاساۋ») باپتارى بويىنشا سوتقا دەيىنگى تەرگەۋ شارالارى» جۇرگىزىلىپ جاتقانىن حابارلادى.

سوت سانكسياسىنا سايكەس باتىس قازاقستان وبلىسىنىڭ 10 تۇرعىنى جانە اقتوبە وبلىسىنىڭ 11 تۇرعىنى قاماۋعا الىنعان. ءقازىر تەرگەۋ امالدارى جالعاسۋدا.  

بۇعان دەيىن ۇقك لاڭكەستىك ارەكەت جاساماق بولدى دەگەن كۇدىكپەن الماتى وبلىسى اۋماعىندا دا راديكالدىق توپتىڭ ءتورت مۇشەسىن ۇستاعان بولاتىن.