اقش پرەزيدەنتتىگىنەن ۇمىتكەر دونالد ترامپ ءوزىنىڭ مەديسينالىق كارتاسىن جاريالاۋعا دايىن ەكەندىگىن مالىمدەدى. ول قارسىلاسى حيللاري كلينتونعا  دەنساۋلىعى تۋرالى تولىق اقپاراتتى كوپشىلىككە جاريالاۋدى ۇسىندى. بۇل تۋرالى «سەگودنيا. ua» حابارلايدى.

«مەنىڭشە، ەكى ۇمىتكەر، ادىلەتسىز حيللاري دە، مەن دە مەديسينالىق كارتامىزدى جاريالاۋىمىز كەرەك. مەن بۇنى وڭاي ىستەيمىن. ال سەن شە، حيللاري؟» دەپ جازدى "تۆيتتەردەگى" پاراقشاسىندا ترامپ. بۇعان دەيىن ترامپتىڭ دارىگەرى گارولد بورنستاين پرەزيدەنت تاعىنان ۇمىتكەردىڭ دەنساۋلىعى دۇرىس ەكەنىن ايتقان بولاتىن.   

سولتۇستىك ۆيردجينيا مەن مەريلەند شتاتتارىنداعى ترامپ كامپانياسىنىڭ ديرەكتورى دجون دجاگگەرس كلينتوننىڭ حالىق الدىنا قالىڭ كيىممەن شىعۋىنا نازار اۋدارىپ، «سىزدەر تامىز ايىندا جۇننەن توقىلعان پيدجاك كيەر مە ەدىڭىز؟ اقش پرەزيدەنتى بولعىسى كەلەتىن ايەل ءار شاراعا جۇننەن توقىلعان پيدجاك كيىپ كەلەدى» دەي كەلە، «بۇل ايەل قاتتى اۋىرادى جانە ولار بۇنىسىن جاسىرۋعا تىرىسۋدا» دەدى ول.

كلينتوننىڭ قارسىلاستارى ونىڭ دەنساۋلىعى تۋرالى بۇرىننان ايتىپ كەلەدى. بۇل سىبىستى جوققا شىعارۋ ءۇشىن دەموكراتتاردىڭ اتىنان سايلاۋعا ءتۇسىپ وتىرعان كانديداتتىڭ شتابى شىلدەنىڭ سوڭىندا كلينتوننىڭ دەنساۋلىعى تولىق جاقسى ەكەنىن دالەلدەۋ ءۇشىن مەديسينالىق تەكسەرۋ مالىمەتتەرىن جاريالاعان بولاتىن.