ماسكەۋلىك پروفەسسوردىڭ 24 جاسار قىزى جاپونعا كۇيەۋگە شىعۋدى ارماندايدى. بۇرىن تۇرمىستا بولعان ول  وزىنە شەت ەلدىك  جار ىزدەي باستايدى. بىردە ورىس ارۋىنا 52 جاسار جاپون كەزدەسەدى. ەكەۋى تانىسقان سوڭ باس قوسىپ، وتباسىن قۇرۋعا بەكىنەدى. ورىس قىزى بۇرىن تۇرمىستا بولعان سوڭ كۇيەۋىنىڭ وزىنەن نەشە جاس ۇلكەن بولعانى قىزىقتىرمايدى. ايتەۋىر شەت ەلدىك عوي. ءسويتىپ، وزىنەن كوپ جاس ۇلكەن جاپوننىڭ ەتەگىنەن ۇستاعان ورىس قىزى الىستاعى ارالدار ەلىنە كەتە بارادى.  

ولار جاپونيادا بەس جىل تۇرادى. كۇيەۋى اپتاسىنا ءبىر رەت مەيرامحاناعا اپارادى. ءۇش ايدا ءبىر رەت جاپونيانى ارالاۋعا مۇمكىندىك بەرەدى. التى اي سايىن شەت ەلدە دەمالادى. بۇدان بولەك كەرەك-جاراعى مەن ازىق-تۇلىككە قاجەت اقشانى دا جاپون كۇيەۋى بەرىپ تۇرادى. ونىمەن قويماي، رەسەيدەگى وتباسىن دا وسى كۇيەۋى اسىرايدى. ءبىراق ورىس قىزى جاپون ازاماتىمەن بىرگە تۇرۋدان جالىعادى. ءيا، كۇيەۋى ۇرىسپايدى، ءجونسىز تيىسپەيدى، قىسقاسى جۇيكەسىنە تيمەيدى. سابىرلى، ۇستامدى ءارى جومارت كۇيەۋدەن بەزىنۋىنە نە سەبەپ؟  

سەبەبى بىرەۋ عانا ەكەن. جاپون كۇيەۋى كەيبىر كەشتەردە قاسىندا وتىرىپ اڭگىمەلەسكەنى بولماسا بىرگە تۇرعان بەس جىل ىشىندە ونى قۇشاقتاماق تۇگىلى ءتىپتى بەتىنەن دە سۇيمەپتى. بەس جىل ىشىندە ابدەن ءىشى پىسقان ورىس قىزى اقىرى رەسەيگە قايتىپ كەتىپتى.

ورىس قىزى «مەنىڭ بالا سۇيگىم كەلەدى. ءسىزدىڭ مەنى نە ءۇشىن العانىڭىزدى تۇسىنبەدىم عوي. ءسىز ماعان ەن ءۇشىن ۇيلەندىڭىز؟» دەگەندە، جاپون كۇيەۋى «ويتكەنى سەن سۇلۋسىڭ» دەگەن ەكەن. شاماسى، قىزدىڭ سۇلۋ جۇزىنە قاراپ وتىرۋ ءۇشىن عانا السا كەرەك.

«Woman.ru» سايتىنان الىندى

ازىرلەگەن ايعانىم ءبىرتۋار