برازيليا سەناتى تامىزدىڭ 31ء-ى كۇنى ەل پرەزيدەنتى ديلما رۋسسەفتىڭ سوڭعى يمپيچمەنتىنە داۋىس بەردى. بۇل جايلى  BBC News حابارلايدى.

داۋىس بەرۋ ترانسلياسياسى برازيليا تەلەارناسىنىڭ تىكەلەي ەفيرىندە ءوتتى. يمپيچمەنت ءۇشىن 61 سەناتور داۋىس بەرسە، وعان 20 ادام قارسى شىقتى. رۋسسەفتىڭ ورنىنان كەتۋى ءۇشىن يمپيچمەنت تارابىنا 54 داۋىس جيناۋ كەرەك بولعان، دەپ جازادى ۆەدوموستي باسپاسى.

سەناتورلار  رۋسسەفتى اعىمداعى جىلدىڭ مامىر ايىندا ورنىنان ۋاقىتشا الىپ تاستاعان بولاتىن. سەيسەنبى كۇنى ولار رۋسسەففتى  ورنىنان تولىق كەتۋى ءتيىس دەپ شەشكەن، ال برازيليا پرەزيدەنتىنىڭ ۋاقىتشا مىندەتىن 2018ء-شى جىلعى داۋىس بەرۋگە دەيىن ۆيسە-پرەزيدەنت ميشەل تەمەر اتقاراتىن بولادى.

 رۋسسەفف ەدۋارد كاروزۋدىڭ قورعاۋشىسى  رۋسسەفتىڭ 2019 جىلدان باستاپ بيلىكتە قالۋ قۇقى  جايلى بولەك داۋىس بەرۋ بولاتىنىن مالىمدەگەن. ونىڭ ۇستىنە رۋسسەفف قورعاۋشىسى برازيليا جوعارعى سوتىنا ەكى شاعىم تۇسىرمەكشى، -دەپ مالىمدەيدى  «ريا جاڭالىقتار».

رۋسسەفتىڭ ءوزى سەناتتاعى يمپيچمەنت تىڭدالىمىندا ءوزىنىڭ كىناسىز ەكەنىن دالەلدەۋمەن بولدى. ول قىزمەتىنەن شەتتەتىلۋىن – قاستاندىق ناتيجەسى، يمپيچمەنت – مەملەكەتتىك توڭكەرىس دەدى.

ال رۋسسەفتىڭ قارسىلاستارى بولسا پرەزيدەنت يمپيچمەنتىن تويلاۋ ءۇشىن سان-پاۋلا كوشەلەرىنە شىعىپ،  قالا ورتالىعىندا وتشاشۋلار اتىپ، ۇلتتىق ءانۇراندارىن شىرقادى، - دەپ حابارلايدى Globo تەلەارناسى.

رۋسسەف  برازيليانى   2011 جىلدان باستاپ باسقارىپ كەلەدى.  رۋسسەف ساياساتى مەن جۇمىسكەر پارتياسىنا  قارسىلىقتىڭ باستى سەبەبى مەملەكەتتىك  Petrobras مۇناي كومپانياسى اينالاسىندا اقشا جىمقىردى دەگەن داۋدان باستالعان، وندا بىرنەشە ساياساتكەرلەردىڭ دە قاتىسى بار، ونىڭ ۇستىنە 2015 جىلداعى ەل ەكونوميكاسىنداعى احۋال حح ع. بەرگى – 3،8% ەڭ اۋىرى جاعداي بولىپ تابىلعان.