ءبىرقاتار اقپارات قۇرالدارى وزبەكستان پرەزيدەنتى يسلام كارىموۆتىڭ كوز جۇمعانىن، ونى جەرلەۋ ءراسىمى 3 قىركۇيەكتە سامارقان قالاسىندا وتەتىنىن جازۋدا، - دەپ حابارلايدى Qamshy.kz zanoza.kg – گە سىلتەمە جاساپ.
باق-تىڭ جازۋىنشا، وزبەك باسشىسىن جەرلەۋ راسىمىنە دايىندىق باستالىپ كەتكەن. ونىڭ ءمايىتى شاحي زيندا تاريحي ەسكەرتكىشىنىڭ ماڭىنداعى زيراتقا قويىلاتىن كورىنەدى. مۇندا ي. كارىموۆتىڭ اناسى مەن ەكى اعاسى جەرلەنگەن.
ي. كارىموۆتىڭ قازاسى تۋرالى ءالى كۇنگە رەسمي اقپارات تارامادى. «فەرعانا» اگەنتتىگىنىڭ حابارلاۋىنشا، قارالى حابار ەرتەڭ نەمەسە سەنبى كۇنى تاڭەرتەڭ جاريالانۋى مۇمكىن.
ب ا ق مارقۇمنىڭ مۇردەسى سالىنعان ۇشاق بۇگىن تاشكەننەن سامارقانعا ۇشىپ كەتكەنىن جازۋدا.
