بۇگىن قازاقستان پرەزيدەنتى نۇرسۇلتان نازاربايەۆ قىتايعا جۇمىس ساپارى اياسىندا قحر ءتوراعاسى سي سزينپينمەن كەلىسسوزدەر جۇرگىزدى. كەزدەسۋدىڭ قورىتىندىسىندا ەكى مەملەكەت باسشىسىنىڭ قاتىسۋىمەن 4 كەلىسىمگە قول قويىلدى، - دەپ حابارلايدى Qamshy.kz قازاقپاراتقا سىلتەمە جاساپ.

اتاپ ايتقاندا، قازاقستان رەسپۋبليكاسى ۇكىمەتى مەن جۇڭگو حالىق رەسپۋبليكاسى ۇكىمەتى اراسىنداعى 2004 جىلعى 17 مامىرداعى قر-قحر ىنتىماقتاستىعى جونىندەگى كوميتەت قۇرۋ تۋرالى كەلىسىمگە قوسىمشالار ەنگىزۋ تۋرالى حاتتاما راسىمدەلدى. قۇجاتقا قازاقستان تاراپىنان ەلىمىزدىڭ سىرتقى ىستەر ءمينيسترى ەرلان ىدىرىسوۆ پەن جۇڭگو تاراپىنان قحر سىرتقى ىستەر ءمينيسترى ۆان ي قول قويدى.   

ق ر ۇلتتىق ەكونوميكا ءمينيسترى قۋاندىق بيشىمبايەۆ پەن قحر دامۋ جانە رەفورمالار جونىندەگى مەملەكەتتىك كوميتەتىنىڭ ءتوراعاسى سيۋي شاوشي «نۇرلى جول»  مەن «جىبەك جولى ەكونوميكالىق بەلدەۋى» باعدارلامالارىن تۇيىندەستىرۋ جونىندەگى ىنتىماقتاستىق جوسپارىن راسىمدەدى. 

ق ر اۋىل شارۋاشىلىعى ۆيسە-مينيسترى گۇلميرا يسايەۆا مەن قحر ساپاعا قاداعالاۋ جاساۋ، ينسپەكسيا جانە كارانتين باس باسقارماسىنىڭ باسشىسى چجي شۋپين ەكى ەلدىڭ ۆەدومستۆولارى اراسىندا قىتايعا قازاقستاننان ەكسپورتتالاتىن جىلقىلارعا قويىلاتىن كارانتين جانە  ساۋلىق تالاپتارى بويىنشا  جانە قازاقستان رەسپۋبليكاسىنا جۇڭگو حالىق رەسپۋبليكاسىنا سويا داقىلدارىن ەكسپورتتاۋ ءۇشىن فيتوسانيتارلىق تالاپتار بويىنشا ق ر اۋىل شارۋاشىلىعى مينيسترلىگى مەن قحر ساپاعا قاداعالاۋ جاساۋ، ينسپەكسيا جانە كارانتين باس باسقارماسىنىڭ اراسىنداعى حاتتامالاردى بەكىتتى.

ايتا كەتەيىك، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ 4-5 قىركۇيەكتە حانچجوۋدا وتەتىن G-20 سامميتىنە قاتىسۋ ءۇشىن قىتايعا كەلدى. سونىمەن قاتار  مەملەكەت باسشىسىنىڭ سامميت اياسىندا دەلەگاسيالار باسشىلارىمەن كەلىسسوزدەر وتكىزۋى جوسپارلانعان.