پاكىستاننىڭ قارۋلى كۇشتەرى ەل اۋماعىندا «يراك پەن ليەۆانت» لاڭكەستىك توبىنىڭ سودىرلارى ارەكەت ەتەتىنىن مويىندادى. ۇكىمەت جاساعى وسى كۇنگە دەيىن قاسكويلىك توپقا قاتىسى بار دەگەن كۇدىكپەن 300 ادامدى تۇتقىنداعان، - دەپ حابارلايدى Qamshy.kz 24حابارعا سىلتەمە جاساپ.

ولاردىڭ 250-دەن استامى سول ءوڭىردىڭ تۋماسى. اسكەر باسشىلارىنىڭ ايتۋىنشا، جەرگىلىكتى ءتارتىپ ساقشىلار دەر كەزىندە ارەكەت ەتىپ وتىرعان. سونىڭ ارقاسىندا يسلامابادتاعى اۋەجاي مەن ەلشىلىك ماڭىندا جارىلىس جاساۋدى ۇيىمداستىرعان ەكسترەميستەردىڭ ارام ويى ىسكە اسپادى. ەسكە سالا كەتەيىك، وتكەن ايدا كۆەتتا قالاسىنداعى اۋرۋحانادا جانكەشتى ءوزىن جارىپ، 70 ادامدى اجال قۇشتىرعان بولاتىن. 100-دەن استامى جارالاندى. قاستاندىقتى «يراك پەن ليەۆانت» لاڭكەستىك توبى مويىنداعان. ىلە شالا «دجاماات-ۋل-احرار» سودىرلارى دا شابۋىلدى ءوز موينىنا العان.