قىتايدا وتەتىن G20 ءسامميتى قارساڭىندا سينحۋا اگەنتتىگى مەن باسقا دا اقپارات قۇرالدارىنا سۇحبات بەرگەن قازاقستان پرەزيدەنتى نۇرسۇلتان نازاربايەۆ وسىلاي مالىمدەدى، - دەپ حابارلايدى Qamshy.kz.

ونىڭ ايتۋىنشا، ەكى ەل اراسىندا كولىك قاتىناسىنان باسقا، ونەركاسىپ سالاسى دا ماڭىزدىلىققا يە كورىنەدى. ەكى ەلدىڭ ۇكىمەتى قىتايدىڭ ونەركاسىپ كۇشتەرىن قازاقستانعا كوشىرۋ جونىندەگى باعدارلاما قۇرعان. قازىرگى تاڭدا كوشىرىلەتىن نىساندار تىزىمىنە جالپى قۇنى 26،2 ميلليارد دوللاردى قۇرايتىن حيميا ونەركاسىبى، كەن-مەتاللۋرگيا، ماشيناجاساۋ، ينفراقۇرىلىم، ەنەرگەتيكاع اگروونەركاسىپتىك كەشەن، جەڭىل ونەركاسىپ، مۇناي وڭدەۋ، قۇرىلىس ماتەريالدارىن شىعارۋ مەن اقپاراتتىق تەحنولوگيالار سەكتورىنا تيەسىلى 51 جوبا ەنگەن. بۇل 51 جوبانىڭ ىشىندە ەكەۋى – ۇنتاقتى پوليپروپيلەن جانە جەڭىل اۆتوكولىك شىعارۋ جوبالارى ىسكە قوسىلىپ تا قويعان.

پرەزيدەنت سۇحبات بارىسىندا قازاقستاننىڭ قىتايمەن ساۋدا-ەكونوميكالىق بايلانىستاردى كۇشەيتۋگە مۇددەلى ەكەندىگىن، «جىبەك جولى» ەكونوميكالىق بەلدەۋى يدەياسىن قىزۋ قولدايتىنىن ايتقان.

«جۇڭگو تاراپى ءۇش نەگىزگى باعىتتى انىقتاپ وتىر. ونىڭ ەكەۋى، قىتايدان ورتالىق ازيا، رەسەي ارقىلى ەۋروپا/بالتىق تەڭىزى، قىتايدان ورتالىق ازيا، باتىس ازيا ارقىلى پارسى شىعاناعى جانە جەرورتا تەڭىزى باعىتتارى  قازاقستاننىڭ «نۇرلى جول» ينفراقۇرىلىمدىق باعدارلاماسىن تولىقتىرادى»، - دەيدى ن. نازاربايەۆ.