بۇگىن قازاقستان مۇسىلماندارى ءدىني باسقارماسىنىڭ ءتوراعاسى ەرجان قاجى مالعاجى ۇلى ەلوردادا «نۇر استانا» مەدرەسەسىنىڭ شاكىرتتەرىنە ءداستۇرلى ءدارىسىن وقىدى، - دەپ حابارلايدى Qamshy.kz قمدب باسپا ءسوز قىزمەتىنە سىلتەمە جاساپ.
باس ءمۇفتي بولاشاق ءدىن قىزمەتكەرلەرىنە قازىرگى زامانعى ءدىني ماسەلەلەرگە بايلانىستى ءپاتۋا بەرۋدىڭ ادىس-تاسىلدەرى مەن جۇيەلەرى تۋرالى جان-جاقتى ءتۇسىندىرىپ بەردى. قمدب ءتوراعاسى ءاربىر ماسەلەگە تەرەڭنەن ءۇڭىلىپ، ونى جان-جاقتى سارالاپ، يسلام الەمىندەگى تاڭداۋلى ءپاتۋالاردى نەگىزگە العاننان كەيىن شاريعي ۇكىم شىعارۋدىڭ قاجەتتىگىن ءسوز ەتتى. اتاپ ايتقاندا، نەكە، تالاق بەرۋ، تاعدىر ماسەلەسى تۋرالى ءدارىس وقىلدى.
«سىزدەر كەشەگى مەدرەسەدەن ءتالىم الىپ، الەمگە تانىلعان اباي، بەيىمبەت، ءمىرجاقىپ سىندى بابالارىمىزدىڭ باقىتتى ۇرپاعىسىزدار. ءاربىر ۋاقىتتارىڭىزدى ءتيىمدى پايدالانىپ، تەرەڭ ءبىلىم الۋعا تالپىنىڭىزدار. ءمۇفتياتقا وزدەرىڭىز سەكىلدى ءبىلىمدى ءدىني قىزمەتكەرلەر قاجەت. ساۋاتتى، تاجىريبەلى كادر قاي كەزدە بولسىن كەز-كەلگەن ماسەلەنى شەشەدى»، – دەپ اتاپ ءوتتى باس ميفتي ەرجان قاجى مالعاجى ۇلى.
باس ءمۇفتي دارىسىنە جالپى سانى 122 شاكىرت قاتىستى.
