تاشكەنت اۋەجايىندا وزبەكستاننىڭ تۇڭعىش پرەزيدەنتى يسلام كارىموۆپەن قوشتاسۋ ءراسىمى ءوتتى، - دەپ حابارلايدى Qamshy.kz Uzreport TV تەلەارناسىنا سىلتەمە جاساپ.
«تاشكەنت اۋەجايىندا وزبەكستاننىڭ تۇڭعىش پرەزيدەنتى يسلام كاريموۆپەن قوشتاسۋ ءراسىمى وتكىزىلدى. قارالى ءراسىمنىڭ قالعان بولىگى ي.كاريموۆتىڭ تۋعان قالاسى سامارقاندتا وتكىزىلەدى»، - دەپ جازدى وزبەكستان تەلەارناسى فەيسبۋكتەگى پاراقشاسىندا.
ەسكە سالا كەتەيىك، 2016 جىلدىڭ 2 قىركۇيەگى كۇنى وزبەكستاننىڭ تۇڭعىش پرەزيدەنتى يسلام كارىموۆتىڭ جۇرەگى 20:15-تە قىزمەتىن توقتادى. قارقىندى رەانيماسيالىق شارالار ناتيجە بەرمەي، 20:55-تە ناۋقاستىڭ بيولوگيالىق ءولىمى تىركەلدى.
يسلام كارىموۆتىڭ جانازاسى بۇگىن 3 قىركۇيەكتە سامارقاندا شىعارىلادى.
