الماتىدا تۇرعىندار يسلام كاريموۆتىڭ قايتىس بولۋىنا بايلانىستى قازاقستانداعى ووبەكستان رەسپۋبليكاسى ەلشىلىگىنىڭ عيماراتىنا گۇل شوقتارىن اكەلۋدە، - دەپ حابارلايدى Qamshy.kz قازاقپاراتقا سىلتەمە جاساپ.
تاڭعى جەتىدەن باستاپ الماتى تۇرعىندارى مەن قوناقتارى قازاقستانداعى وزبەكستان رەسپۋبليكاسى ەلشىلىگىنىڭ عيماراتىنا گۇل شوقتارىن اكەلىپ، كوڭىل ايتۋ كىتابىنا جازبا قالدىرۋدا.
«ءبىزدىڭ وتانىمىز، كۇللى وزبەك حالقى ورنى تولمايتىن، اۋىر قازانى باستان وتكەرۋدە. 2016 جىلعى 2 قىركۇيەكتە اۋىر اۋرۋدان كەيىن كورنەكتى مەملەكەتتىك جانە ساياسي قايراتكەر، وزبەكستان رەسپۋبليكاسىنىڭ تۇڭعىش پرەزيدەنتى يسلام ابدۋگانييەۆيچ كاريموۆ دۇنيەدەن ءوتتى»، - دەپ جازدى قازاقستانداعى وزبەكستان ەلشىسى يكروم نازاروۆ.
