بيىل الماتى قالاسىنىڭ 1000 جىلدىعى. قازاق رۋحانياتىنىڭ استاناسى بولعان الىپ شاھاردىڭ مەرەيلى مەرەكەسى قارساڭىندا وتەتىن ادەبي-مادەني ءىس-شارالاردىڭ قىركۇيەك ايىنا ارپنالعان رەسمي باعدارلاماسى جاريالاندى. الماتىنىڭ 1000 جىلدىعىن مەرەكەلەۋ اياسىندا قالا تۇرعىندارى مەن قوناقتارى ءتۇرلى مەرەكەلىك شارالار - مۋزىكالىق فەستيۆالدەردى، كورمەلەردى، سپورتتىق جارىستاردى تاماشالايتىن بولادى، - دەپ حابارلايدى Qamshy.kz.
مىسالى، قالادا 2، 3، 4 قىركۇيەك كۇندەرى اباي الاڭىندا ساعات 19.00 –دە جىل سايىنعى اشىق اسپان استىنداعى «وركەسترلەر شەرۋى» VII فەستيۆالى اشىلادى. فەستيۆالدىڭ العاشقى كۇنى ارمان جۇدەبايەۆتىڭ باسقارۋىمەن جانە «سازگەن سازى» فولكلورلىق –ەتنوگرافيلىق ءانسامبلدىڭ قاتىسۋىمەن قازاق اكادەميالىق حالىق اسپاپتارى وركەسترى ونەر كورسەتەدى. ەكىنشى كۇنى قالا تۇرىعندارى مەن قوناقتارى ءۇشىن 80 جىلداردىڭ حيتتەرى شىرقالادى. كومپوزيسيالار قانات احمەتوۆتىڭ باسشىلىعىمەن ۇرلەمەلى وركەستەردىڭ ورىنداۋدا جۇزەگە اسادى. سوڭعى كۇنگى كونسەرتتى مەملەكەتتىك اكادەميالىق وركەستر قورىتىندىلايدى.
3 قىركۇيەكتە ساعات 10:00 نان 17:00 ارالىعىندا عىلىم اكادەمياسى الاڭىندا ( ءۋاليحانوۆ/شيەۆچەنكو كوش) III « KitapFest » الماتىلىق كىتاپ فەستيۆالى وتەدى. كەلۋشىلەردى ءتۇرلى سيۋرپريزدەر كۇتەدى.
4 - 8 قىركۇيەك ارالىعىندا يۋنەسكو اياسىندا حالىقارالىق بالالار بەيبىتشىلىكتى سۋرەتكە سالادى. ازيا» اتتى فەستيۆال وتەدى، وعان ورتا ازيا مەن ازيا - تىنىق مۇحيت وڭىرىنەن 7 مىڭنان استام جاس سۋرەتشى قاتىسادى.
قالا كۇنى 18 قىركۇيەك، جەكسەنبى كۇنى مەرەكەلەنەدى. ساعات 11.00 دەن 18.00 دەيىن جىل سايىنعى «الما fest -2016» فەستيۆالى، ءتۇرى ويىن- ساۋىقتارتار ۇيىمداستىرىلادى.
«الما وتباسى» - بالالار اتتراكسيونى،ءتۇرلى ويىندار، وتباسىلىق ستارتتار، كوڭىلدى انيماتورلار مۇندا كەلگەندەردىڭ ءبارىنىڭ كوڭىلىن تاباتىن بولادى.«الما ارت» - اشىق اسپان استىنداعى گالەرەيا. سۋرەتشىلەر ءوز شەبەرلىكتەرىن ۇسىنادى. ارنايى كونكۋرستا جيۆوپيستەن باسەكە وتەدى. . «الما-ەتنو» - تەاترلاندىرىلعان قويىلىمدا حالقىمىزدىڭ ۇلتتىق داستۇرلەرى مەن سالتتارى كورسەتىلەدى. قوناقتار ۇلتتىق دامنەن اۋىز تيەدى. «الما-جاستار» - ءفورمالدى ەمەس جاستار مەن ءتۇرلى سۋبمادەني اعىمداعى جاستارعا ارنالعان. كوشە ءبيى بويىنشا ارنايى كونكۋرس وتەدى. «الما-كاراوكە»، مۇندا الماتى تۋرالى ەسكى اندەر ايتىلىپ، ءان بايقاۋى وتەدى.«الما-اۋەن» اۋماعىندا قازاقستاندىق ونەر جۇلدىزدارىنىڭ كونسەرتى بولادى. «الما-بازار» اتتى نەگىزگى الاڭدا الماتى وبلىسىنىڭ 20 شارۋاشىلىعىنان جەتكىزىلگەن 20 ءتۇرلى 100 توننا الما كەلۋشىلەرگە ۇسىنىلادى.
قالا كۇنى مەرەكەسىندە «الماتى ارەنا» مۇز سارايىندا يۋنەسكو-نىڭ، باۋىرلاس قالالار مەنە وزگە دە دەلەگاسيالار وكىلدەرىنىڭ قاتىسۋىمەن «الماتىنىڭ 25 شىڭى» اتتى مادەني شارا وتەدى. مەرەكە سوڭى « Apple Fire» وتشاشۋىنا ۇلاسادى.
