قىركۇيەكتىڭ ەكىنشى جۇلدىزىندا بۇۇ-نىڭ باس حاتشىسى پان گي مۋن وزبەكستان پرەزيدەنتى يسلام كارىموۆتىڭ دۇنيەدەن وزۋىنا بايلانىستى مالىمدەمە جاسادى، - دەپ حابارلايدى Qamshy.kz.
ءوز مالىمدەمەسىندە باس حاتشى مارقۇمنىڭ وتباسىنا، وزبەكستان ۇكىمەتى مەن حالقىنا كوڭىل ايتتى. بۇل تۋرالى بۇۇ-نىڭ «جاڭالىقتار ورتالىعى» حابارلايدى.
بۇۇ-نىڭ باس حاتشىسى وزبەكستان مەن بۇۇ اراسىنداعى ىنتىماقتاستىقتىڭ جانە ايماقتىق، جاھاندىق بەيبىتشىلىك پەن قاۋىپسىزدىكتىڭ نىعايۋىنا زور ۇلەس قوسقان پرەزيدەنتتىڭ ەڭبەگىن اتاپ ءوتتى. بۇۇ باس حاتشىسى حالىقارالىق ۇيىمنىڭ الداعى ۋاقىتتا دا وزبەكستان حالقىمەن تىعىز قارىم –قاتىناستا بولۋعا دايىن ەكەندىگىن ايتتى.
