تۇركىستان قالاسىنداعى ورتالىق ەسىمحان الاڭىندا شاھار تۇرعىندارى ريو وليمپياداسىنىڭ كۇمىس جۇلدەگەرى جازيرا جاپپارقۇل مەن 19 جاستاعى تۇركىستاندىق پالۋان ديدار حامزانى زور قوشەمەتپەن قارسى الدى، - دەپ حابارلايدى Qamshy.kz قازاقپاراتقا سىلتەمە جاساپ.
وبلىس اكىمىنىڭ باسپا ءسوز قىزمەتىنىڭ حابارلاۋىنشا، بايراقتى باسەكەدە ەل نامىسى ءۇشىن سىنعا تۇسكەن قوس ساڭلاقتى الدىمەن، قالا اكىمى ءا.وسەربايەۆ قۇتتىقتاپ، قارجىلاي سىي-سىياپات جاسادى. سونىمەن بىرگە، وبلىستىق ءماسليحات دەپۋتاتى ر.تاڭىربەرگەنوۆ ءسوز الىپ، كۇمىس جۇلدەلى قىزعا جەڭىل اۆتوكولىكتىڭ كىلتىن سالتاناتتى جاعدايدا تابىس ەتتى.
ەرەكشە ىقىلاس بىلدىرگەن قالا جۇرتشىلىعىنا العىسىن جەتكىزگەن جازيرا جاپپارقۇل ءوز سوزىندە تۇركىستان قالاسىنىڭ جاستارىن «ءا.نۇرماحانوۆ اتىنداعى وبلىستىق وليمپيادا رەزەرۆىن دايارلايتىن سپورت مەكتەبىنەن» اشىلعان اۋىر اتلەتيكا ۇيىرمەسىنە قاتىسۋعا شاقىردى.
