سامارقاندتىڭ مىڭداعان تۇرعىندارى تاڭ سارەسىنەن  شاحي-زيندا كەشەنىندە وزبەكستاننىڭ ءبىرىنشى پرەزيدەنتى يسلام كارىموۆتىڭ باسىنا  بارىپ جاتىر، - دەپ حابارلايدى Qamshy.kz ريا نوۆوستيگە سىلتەمە جاساپ.  

ەستەرىڭىزگە سالساق، وزبەكستان پرەزيدەنتى يسلام كارىموۆ قىركۇيەكتىڭ 2ء-ى كۇنى 78 جاسقا قاراعان شاعىندا دۇنيەدەن ءوتتى. قىركۇيەكتىڭ 3ء-ى كۇنى تۋعان جەرى سامارقاندتا جەرلەندى.  ەلدە ءۇش كۇن قاتارىنان قارالى كۇن جاريالاندى.  

   جاقىندا كەشەن قاراپايىم ادامدار ءۇشىن جابىق بولعان، وندا دەلەگاسيا مۇشەلەرىن عانا كىرگىزگەن. دەگەنمەن، جەكسەنبى كۇنى ول جەردىڭ ەسىگى بارشاعا اشىق بولدى. كەلۋشىلەردىڭ كوپتىگىنەن ءبىر ساعاتتاي كەزەك كۇتۋگە تۋرا كەلەدى.  ءقازىر كەشەندى ميليسيونەرلەر كۇزەتىپ جاتىر.

 شاحي- زيندا كەشەنىندە وزبەكستاننىڭ ورتا عاسىرداعى اتاقتى حان، سۇلتاندارى جانە بۇگىنگە دەيىنگى تانىمال تۇلعالار جەرلەنگەن، كارىموۆتىڭ اتا-اناسى دا وسىندا قويىلعان.  90-شى جىلداردان باستاپ كەشەندە ادام جەرلەۋ توقتاتىلعان، ءبىراق ءبىرىنشى پرەزيدەنت ءۇشىن بۇل ەرەجەنى وزگەرتتى.  

يسلام كارىموۆ   19-شى عاسىردا سالىنعان حازىرەتى – حيزر مەشىتىنىڭ اشىق الاڭى جانىندا، كەشەننىڭ باس جاعىندا جەرلەندى. ونىڭ اتا-اناسى شاحي- زيندان كەشەنىنىڭ تۋرا وزىندە جەرلەنگەن.

 كارىموۆتىڭ زيراتى گۇلدەرمەن كومكەرىلىپ تۇر، ازىرشە ەشقانداي ماۆزولەي مەن ەسكەرتكىشتەر جوق. زيرات ماڭايىندا كەلۋشىلەرگە ارنالعان بىرنەشە ورىندىقتار تۇر.  ورىن جەتپەگەندەرى مەشىت اينالاسىنداعى قورشاۋ كىرپىشتەرىنە وتىرادى. مەشىت مولداسى ءبىرىنشى پرەزيدەنتتەرىنىڭ جاتقان جەرى جايلى بولۋىنا ارناپ  قۇران وقىپ جاتىر. وسىلاي كەلەسى توپ كەلىپ، ءوز دۇعالارىن باعىشتاۋدا.

 ادامدار كۇنى بويى تولاستاماي كەلىپ جاتىر، ءتىپتى كۇن سوڭىنا قاراي بىرنەشە مىڭداعان ادامعا جەتۋى مۇكىن. كەلۋشىلەردىڭ ءبارى سومكەلەرىن وتكىزۋگە ءماجبۇر. ميليسيونەرلەر مەن شتات ادامدارى ەشكىمنىڭ سۋرەتكە تۇسىرمەۋىن قاتاڭ قاداعالاۋدا.  كەلۋشىلەردىڭ بارشاسىنا اۋىز سۋ تاراتىلۋدا، سەبەبى وزبەكستاندا ءالى دە 30 گرادۋس ىستىق.

Gazeta.uz-دىڭ مالىمەتىنشى، وزبەكستان استاناسىندا قارالى كۇنگە بايلانىستى وزبەكستان تۋى ءتۇسىرىلىپ تۇر.