قاراعاندىدا تاپا تال تۇستە 4 جاستاعى بالا كولىك ىشىندە تىرىدەي جانىپ كەتكەن. قايعىلى جاعداي ءۇيدىڭ اۋلاسىندا بولعان. ءقازىر وقيعاعا قاتىستى قىلمىستىق ءىس قوزعاعان پوليسيا وكىلدەرى كولىكتىڭ ەسىكتەرى قالاي جابىلعانىن انىقتاپ جاتىر، - دەپ حابارلايدى Qamshy.kz 31-ارناعا سىلتەمە جاساپ.

ىشىندە ءتورت جاسار سانجار بولعان كولىك ءۇيدىڭ ءدال الدىندا وتقا ورانىپتى. بۇل - سول كۇنى بولعان ءورتتىڭ ىزدەرى. ءبۇلدىرشىننىڭ جان ايقايىن ەستىگەن كورشى-قولاڭ كولىكتىڭ ماڭايىنا كەلۋگە مۇمكىندىك بولمادى،- دەيدى. ويتكەنى قىزىل جالىن 10 شارشى مەتر جەرگە دەيىن شارپىعان. كۋاگەرلەر سوزىنشە، «فولكسۆاگەن ترانسپورتەر» ماركالى كولىگىنىڭ الدىڭعى جاعى ساناۋلى سەكۋندتاردا كۇلگە اينالعان. ال سانجاردىڭ مۇردەسى تەك وت تۇگەل اۋىزدىقتالعاننان سوڭ عانا تابىلعان. ال بالاسىن اجالدان امان الىپ قالۋعا تىرىسقان اكەسى ءبىرىنشى دەڭگەيلى كۇيىك الىپتى. ونىڭ ءبىر جاق قولى مەن بەتىن كۇيىك شالىپتى.  ال بالاسىنان ايىرىلعان انا بىرنەشە رەت ەسىنەن تانىپ قۇلاعان. قارا جامىلعان ايەلگە پسيحولوگيالىق كومەك كورسەتىلىپ جاتىر. 4 جاستاعى سانجار ءۇيدىڭ ءۇشىنشى بالاسى ەكەن.

قارلىعاش تاجىبايەۆا،  كۋاگەر:

- مەن ۇيگە كىردىم، سول ەكى ورتادا ماشينا رەزكو باباحنۋلا. ەشكىم دا بىلگەن جوق بالانىڭ بار ەكەنىن ونىڭ ىشىندە. ەشكىم دا بىلگەن جوق. كەيىننەن بىلدىك بالا بار ەكەنىن. جۇگىردىك، نە كەرەك... شەشەسى اناۋ جەردە قۇلاپ جاتتى، اكەسى ول شىرىلداپ جاتتى.