ايەلىنىڭ ەسكەرتۋىنە قۇلاق اسپاعان قاپشاعاي قالاسىنىڭ اكىمى كەشىرىم سۇراۋعا ءماجبۇر بولدى. ويتكەنى، قاتتى سويلەگەنى ءۇشىن ءساتجان قيقىموۆقا ۇيىندە جولداسى ەسكەرتۋ جاسايدى ەكەن. ءبىراق ۇيدەگى ادەت قالا ما؟ جۇمىستا دا اكىم ۇيدەگى ايەلىنە سويلەگەندەي قاتتى سويلەيمىن دەپ، بۇگىن بىرنەشە سايتقا شىعىپ، الەۋمەتتىك جەلىلەردىڭ تالقىلاۋىنا تاپ بولدى، - دەپ حابارلايدى Qamshy.kz 31-ارناعا سىلتەمە جاساپ.

تۇرعىنعا "سەن" دەپ، داۋسىن كوتەرە سويلەگەن - قاپشاعاي قالاسىنىڭ اكىمى ءساتجان قيقىموۆ. قازاقى جالپاق تىلدە بۇندايدى دىكىڭدەپ سويلەدى دەيدى. ءبىراق، اكىم دىكىڭدەمەدىم دەيدى. ءساتجان قيقىموۆتىڭ ايتۋىنشا "تابيعي داۋسى وسى، حالىق دۇرىس تۇسىنبەگەن". "ال قابىلداۋدا بولعان انتون فەدوروۆتىڭ دالەلسىز كىنالاي سويلەگەنى دە دۇرىس بولمادى، سوندىقتان كوپشىلىك بۇل ىستە ءبىرجاقتىلىق تانىتپاسا" ،- دەيدى. 

ءساتجان قيقىموۆ، قاپشاعاي قالاسىنىڭ اكىمى:

- ءبىزدى سوگىپ، اكيمات كراحابورلار. ۆزياتوچنيكتەر، ساتىلعان، ءبارىن ساتادى، ءبارىن قىرادى،- دەدى. ەندى مەن جاس بالا بولعاننان كەيىن «تى» دەگەنىم راس. تى وتۆەچاەش زا سۆوي سلوۆا دەدىم. سول «تى» دەگەنىمە مەن كەشىرىم سۇرايمىن. ۆووبششە مەن قاتتى سويلەيتىن اداممىن. سوۆەششانيە وتكىزگەن كەزدە دە قاتتى سويلەيمىن.

ابدەن مۇمكىن. كەيبىر سايتتارعا اكىم ءتىپتى ايەلىنەن ەسكەرتۋ دە العانىن ايتىپتى. ال، شىن مانىندە وقيعا بىلاي بولعان. انتون فەدوروۆ قاپشاعايدىڭ بۇكىل ماسەلەسىن جىپكە ءتىزىپ ايتىپ شىققان. ءسوزىن ەشكىم بولمەگەن. ءبىراق، وعان اكىم جاۋاپ بەرگەن ساتتە "سەن" دەپ سويلەگەن. بار بولعانى وسى. كەيبىرەۋ اكىمنىڭ داۋىس كوتەرىپ سويلەۋى دۇرىس ەمەس دەسە، كەيبىرى ونى ادەيى اشۋلاندىرىپ جىبەردى دەيدى. ال وبلىستىق ادەپ كەڭەسى بەينەجازبانى قاراپ، تولىققاندى زەرتتەپ، قاجەت بولسا قاپشاعاي قالاسىنىڭ اكىمى ءساتجان قيقىموۆتىڭ ارەكەتىنە شارا قولدانامىز دەپ وتىر.