الماتىدا تاۋعا ساياحاتتاپ بارعان تۋريست ءىزىم-عايىم جوعالىپ كەتتى! الەكساندر نازارۋكتى قۇتقارۋشىلار كەشەدەن بەرى تابا الار ەمەس. حابار-وشارسىز كەتكەن ساياحاتشى تاۋعا 2 دوسىمەن بارعان، - دەپ حابارلايدى Qamshy.kz كتك ارناسىنا سىلتەمە جاساپ.

الايدا، ۇلكەن الماتى شىڭىنا شىققانداردىڭ قايتار تۇستا جولدارى ءبولىنىپتى. ياعني، الەكساندر نازارۋك جولدى قىسقارتپاق بولىپ، باسقا باعىتپەن كەتكەن. ءسويتىپ، تۋريستەر ۋاعدالاسقان جەردە كەزدەسپەك بولادى. الايدا، بارعان جولىمەن قايتقان ەكەۋ امان-ەسەن ورالعانىمەن، الەكساندردان سول كۇيى حابار جوق. وسىلايشا، تاۋ قىزىقتاۋعا بارامىن دەپ دوسىنان كوز جازىپ قالعاندار بىردەن قۇتقارۋشىلارعا حابارلاسقان. جەدەل-قۇتقارۋ جاساعى ساياحاتشىنى تۇننەن بەرى ۇلكەن الماتى شىڭىنىڭ جان-جاعىنان ىزدەپ جاتىر. اسىرەسە، الەكساندر جەرگە تۇسپەك بولعان باعىت ءجىتى تەكسەرىلۋدە. الايدا، ازىرگە ەش ناتيجە بولماي تۇر.

-جوعالعان ساياحاتشى تۋرالى اقپارات كەشە تۇنگى 10-دا ءتۇستى. وقيعا ورنىنا بىردەن قۇتقارۋشىلار جىبەرىلدى. الايدا، ازىرگە ونى تابا الار ەمەسپىز. ساياحاتشىدان ەشقانداي ءىز دە، بەلگى دە جوق. ىزدەۋ شارالارىنا تىكۇشاقتى قوسۋ ءۇشىن تۇمان كەدەرگى بولىپ تۇر. سوندىقتان، قۇتقارۋشىلار جۇمىسقا جاياۋلاتىپ كىرىسكەن، - دەيدى ق ر تجم رەسپۋبليكالىق جەدەل-قۇتقارۋ جاساعى باسشىسىنىڭ ورىنباسارى يۋريي برۋجينسكيي.