اۋعانستان استاناسى كابۋلدىڭ ورتالىعىندا حالىقارالىق قايىرىمدىلىق ۇيىمنىڭ شتاب-پاتەرىنە شابۋىل جاساعان بارلىق 3 سودىردىڭ كوزى جويىلدى، - دەپ حابارلايدى Qamshy.kz 24.kz - كە سىلتەمە جاساپ.
ولار الدىمەن 2 جارىلىس جاساپ، سوسىن عيماراتتى باسىپ العان. پوليسيامەن اراداعى اتىس 11 ساعاتقا سوزىلىپ، ءبىر بەيبىت تۇرعىن اجال قۇشتى. تاعى جۇزدەن استام ادام جارالاندى. ال وسىنىڭ الدىندا 2 جانكەشتى قورعانىس مينيسترلىگى عيماراتىنىڭ جانىندا ءوزىن-وزى جارىپ جىبەرگەن ەدى.
سوڭعى مالىمەت بويىنشا، لاڭكەستىك ارەكەتتەردەن قازا تاپقاندار سانى 35 ادامعا جەتتى. مارقۇمداردىڭ اراسىندا اۋعانستان پرەزيدەنتىنىڭ كۇزەت قىزمەتى باسشىسىنىڭ ورىنباسارى مەن جوعارى شەندى پوليسيا قىزمەتكەرلەرى بار. شابۋىلداردى «تاليبان» ەكسترەميستىك قوزعالىسى ءوز موينىنا العان.
