الماتىدا قوقىس جاشىگىنەن دەنەسى بولشەكتەلگەن ادام ءمايىتى تابىلدى، - دەپ حابارلايدى Qamshy.kz zakon.kz - كە سىلتەمە جاساپ.

رايىمبەك پەن ابىلاي حان داڭعىلدارىنىڭ قيىلىسىندا قوقىس جاشىگىنەن اقتارعان تۇراقتى مەكەن-جايى جوق ادامداردىڭ ءبىرى تاۋىپ العان. جاشكىتەن سومكە تاۋىپ الىپ اشقاندا، ىشىنەن ەكى پاكەت شىعادى. پاكەتتەردىڭ بىرىنەن 25-30 جاس ارالىعىنداعى ەر ادامنىڭ كەسىلگەن باسى، ال ەكىنشىسىنەن اياق-قولدارى شىققان. كىسى كوپ جۇرەتىن كوشەگە قاراي جۇرگەن ول سول جەردەن جول پوليسياسى ەكيپاجىن كورىپ، وقيعا ورنىنا الىپ بارعان.

وقيعا بولعان جەرگە جەتكەن پوليسەيلەر بۇل تۋرالى جەدەل-ورتالىق كەزەكشىلىك قىزمەتكەرىنە حابار بەرەدى.  اتالعان جەرگە تەز ارادا جەدەل تەرگەۋ توبى مەن كريميناليستەر جەتەدى. توڭىرەك قورشاۋعا الىندى.

پوليسەيلەر بولشەكتەلگەن دەنەسى تابىلعان ەر ادامنىڭ ەسىمىن انىقتادى.

قۇقىق قورعاۋ ورگاندارى قازا بولعان ادامنىڭ ەسىمىن جاريالاعان جوق. سونىمەن قاتار، ەر ادامدى ءولتىردى دەلىنگەن ازاماتتىڭ كىم ەكەنى مەن قىلمىس بولعان پاتەردى دە انىقتاعان. ق ر ءىىم رەسمي وكىلى الماس سادۋبايەۆتىڭ ايتۋىنشا، ەر ادامنىڭ ءمايىتىنىڭ تابىلۋىنا بايلانىستى سوتقا دەيىنگى تەرگەۋ جۇمىستارى ق ر قىلمىستىق كودەكسىنىڭ 99-بابى ("كىسى ءولتىرۋ") بويىنشا جۇرگىزىلىپ جاتىر.