ق ر پارلامەنتى ءماجىلىسىنىڭ دەپۋتاتى ماۋلەن اشىمبايەۆتىڭ ايتۋىنشا، ەرتەڭ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكسترەميزمگە جانە تەرروريزمگە قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلادى. وعان ەلىمىزگە بەلگىلى ساياساتتانۋشىلار، قۇقىق قورعاۋشىلار، ءدىنتانۋشىلار، قوعام بەلسەندىلەرى مەن بۇقارالىق اقپارات قۇرالدارى قاتىسادى، - دەپ xابارلايدى Qamshy.kz BNews.kz - كە سىلتەمە جاساپ.

م.اشىمبايەۆتىڭ سوزىنە قاراعاندا، اتالعان قۇجات بويىنشا ەكسترەميزم مەن تەرروريزم ءۇشىن جاۋاپكەرشىلىكتى كۇشەيتۋ ماسەلەسىنە باسىمدىق بەرىلەدى. وسىعان بايلانىستى 20-عا جۋىق زاڭعا وزگەرىستەر مەن تولىقتىرۋىلار ەنگىزۋ كوزدەلگەن. سونىڭ ىشىندە قىلمىستىق كودەكس، قىلمىستىق پروسەسسۋالدىق كودەكس، اكىمشىلىك قۇقىق بۇزۋشىلىقتار تۋرالى كودەكس، ەكسترەميزم مەن تەرروريزممەن كۇرەس زاڭناماسى جانە تاعىسىن تاعى.

«اقتوبەدەگى جاعدايدان كەيىن قوعامدا تەرروريستەردى ءولىم جازاسىنا كەسۋ تۋرالى ۇسىنىستار ايتىلا باستادى. وسى ماسەلە قارالا ما؟»، - دەگەن سۇراققا م.اشىمبايەۆ: «بۇل ماسەلە جۇمىس توبىندا جان-جاقتى سارالانادى. جالپى، اتالعان زاڭ جوباسىندا جاۋاپكەرشىلىكتى كۇشەيتۋ ماسەلەسى قاراستىرىلاتىن بولادى»،-دەپ جاۋاپ بەردى.

دەپۋتاتتىڭ ايتۋىنشا، وسى زاڭ جوباسىن قابىلداۋ جۇمىسىن ۇزاققا سوزباۋ قاجەت. دەگەنمەن، اسىعىس شەشىمدەر دە بولماۋى شارت. سوندىقتان xالىق قالاۋىلارى ول قۇجاتتى جان-جاقتى تالقىلاپ الۋدى كوزدەيدى. «نەگىزى، بۇل زاڭ جوباسىن وسى جىلدىڭ اياعىنا دەيىن قابىلداۋىمىز قاجەت»،-دەپ اتاپ كورسەتتى م.اشىمبايەۆ.

ايتا كەتەيىك، بۇگىن ق ر پارلامەنتى ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكسترەميزمگە جانە تەرروريزمگە قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى بويىنشا قورىتىندى ازىرلەۋ ماسەلەسى قارالىپ، بارلىق دەپۋتاتتار ونى ءبىراۋىزدان ماقۇلدادى. اتالعان جۇمىس حالىقارالىق ىستەر، قورعانىس جانە قاۋىپسىزدىك كوميتەتىنە جۇكتەلىپ وتىر. كوميتەت ءتوراعاسى – دەپۋتات ماۋلەن اشىمبايەۆ.