«سەرىك احمەتوۆ قايتىس بولدى» دەپ جالعان اقپارات تاراتقان جاندوس بايشەمىروۆ ەكس پرەمەردەن ءبىر جىل وتكەن سوڭ عانا كەشىرىم سۇرادى، - دەپ حابارلايدى Qamshy.kz 31-ارناعا سىلتەمە جاساپ. 

وسى قىلىعى ءۇشىن تۇرمەدە سەگىز اي وتىرىپ شىققان ازامات سەگىز جىلعا سوتتالعان شەنەۋنىك جازاسىن وتەپ جاتقان 159/18 تۇزەۋ مەكەمەسىنە رەسمي حات جىبەرگەن.

جامبىل وبلىسىنداعى كوگەرشىن اۋىلىنىڭ تۇرعىنى بۇرىنعى شەنەۋنىككە وتباسىنا تەز ورالۋىن تىلەپتى. «ۆكونتاكتە» الەۋمەتتىك جەلىسىندە «رۋسلان ماەكەيەۆ» دەگەن ەسىممەن پاراقشا اشقان 26 جاستاعى ازامات وندا "سەرىك احمەتوۆ قايتىس بولدى" دەگەن اقپارات جاريالاعان بولاتىن. كەيىن قۇزىرلى ورگانداعىلار ونى جوققا شىعارىپ، كوپ ۇزاماي جاندوس بايشەمىروۆتى دە قولعا ءتۇسىردى. ەكى ميلليون تەڭگە كولەمىندە سالىنعان ايىپپۇلدى وتەي الماعان ازامات، اقىرى سەگىز ايعا جۋىق ۋاقىت تۇرمەدە وتىرعان بولاتىن.