«حابار» اگەنتتىگى 2016 جىلدىڭ 7 قىركۇيەگىنەن باستاپ رينات كەرتايەۆ «حابار» اگەنتتىگى» اق باسقارما ءتورايىمىنىڭ ورىنباسارى قىزمەتىنە، ال ساندۋعاش راحىمجانوۆا «حابار» ارناسىنىڭ ديرەكتورى قىزمەتىنە تاعايىندالدى، - دەپ حابارلايدى Qamshy.kz Baq.kz - كە سىلتەمە جاساپ.
«اگەنتتىك ترانسفورماسيادان ءوتىپ جاتقان تۇستا بۇل قىزمەتكە تاعايىندالۋ ۇلكەن جاۋاپكەرشىلىك ەكەنى ءسوزسىز. الدىمىزدا كۇردەلى مىندەتتەر تۇر، ءبىراق ءبىزدىڭ ناقتى جوسپارلارىمىز بار جانە باتىل قيمىلدارعا كوشپەكپىز»، - دەيدى رينات كەرتايەۆ.
رينات دۋمان ۇلى كەرتايەۆ 1983 جىلى 23 ءساۋىر كۇنى جامبىل وبلىسىندا دۇنيەگە كەلگەن. 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ «قوعاممەن بايلانىس» ماماندىعىن بىتىرگەن. «حابار» اگەنتتىگىندەگى ەڭبەك جولى 2006 جىلى قازاق تىلىندەگى ويىن-ساۋىق باعدارلامالار رەداكسياسىنىڭ پروديۋسەرى رەتىندە باستالادى. 2010 جىلدان 2011 جىلعا دەيىن جاڭالىقتار بولىمىندە ساراپشى-رەداكتور بولدى. ق ر ينۆەستيسيالار جانە دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسى، مەملەكەتتىك «دارىن» سىيلىعى، «باسپا جانە اقپاراتتى دامىتۋداعى ەڭبەگى ءۇشىن» تمد پارلامەنتارالىق اسسامبلەياسىنىڭ توسبەلگىسىمەن ماراپاتتالعان، سونداي-اق ق ر پرەزيدەنتى گرانتىنىڭ يەگەرى. بۇعان دەيىن «حابار» ارناسىنىڭ ديرەكتورى قىزمەتىن اتقاردى.
«بىرنەشە جىل جۇمىس ىستەپ كەلەجاتقان ارنانى باسقارۋ ءبىر جاعىنان قۋانىش بولسا، ەكىنشى جاعىنان تولقۋ تۋدىرادى. «حابار» ارناسىنىڭ بۇكىل ۇجىمى كۇزگى تەلەماۋسىمعا بار كۇشىمەن دايىندالدى. الدىمىزدا قىزىقتى جانە سان الۋان جوبالار كۇتىپ تۇر، ولاردىڭ اراسىنان ءار كورەرمەن وزىنە قاجەتتىسىن تابادى» - دەيدى ساندۋعاش راحىمجانوۆا.
ساندۋعاش راحىمجانوۆا 1983 جىلى 5 قىركۇيەك كۇنى قاراعاندى قالاسىندا دۇنيەگە كەلگەن. 2004 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ «جۋرناليستيكا» ماماندىعىن ءتامامداعان. 2006 جىلى م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ماگيستر دارەجەسىن العان. «حابار» ارناسىنداعى ەڭبەك ءوتىلىن 2012 جىلى ماركەتولوگ-تالداۋشى رەتىندە باستاعان. 2013 جىلى «حابار» ارناسىنىڭ باعدارلامالار دەرەكسياسىنىڭ باسشىسى بولىپ تاعايىندالادى. 2016 جىلدىڭ شىلدەسىنەن باستاپ «حابار» ارناسى ديرەكتورىنىڭ ورىنباسارى لاۋازىمىندا بولدى.
