بايان ەسەنتايەۆا تەلەجۇرگىزۋشى دينارا ءساتجانعا 10-شى ماۋسىم وقيعاسىنان كەيىن العاش رەت سۇحبات بەرىپ، جۇرت كوكەيىندەگى سۇراقتارعا دەگەن جاۋاۋپتى ءوز  اۋزىنان  ايتىپ بەردى  - دەپ  Qamshy.kz ءتىلشىسى حابارلايدى. ۆيدەوسۇحبات دينارا ءساتجاننىڭ YouTube حوستينگىندەگى ارناسىندا پايدا بولدى.

بايان ەسەنتايەۆا " مەن جايلى ءتۇرلى الىپ- قاشپا اڭگىمەلەر ايتىلىپ جاتىر. "ءبارىبىر شىندىق اشىلادى، جاقسىسى ءوز اۋزىمنان ايتقانىم دۇرىس بولار دەپ شەشتىم "- دەيدى.

ەسكە سالايىق، بايان ەسەنتايەۆا 10 ماۋسىمدا اۋىر جاعدايدا تالعارداعى اۋرۋحاناعا تۇسكەن بولاتىن. تەرگەۋدىڭ مالىمەتىنشە، ونى كۇيەۋى باقىتبەك ەسەنتايەۆ اياۋسىز ۇرىپ سوعىپ، بىرنەشە رەت پىشاقتاعان. بۇل وقيعا ەڭبەكشى اۋىلىنىڭ ماڭىندا قۇلجا تاس جولىندا بولعان. 

باقىتبەك ەسەنتايەۆ ۇستالىپ، تالعار اۋداندىق ىشكى ىستەر باسقارماسىنا جەتكىزىلدى. كەيىن ءىىب وكىلدەرى مەديسينالىق كۋالاندىرۋ قورىتىندىسى بويىنشا باقىتبەك ەسەنتايەۆتىڭ ماس بولعانىن ايتتى. ول ءوز كىناسىن مويىنداپ وتىر ەكەن. ءىس "ادام ولتىرۋگە وقتالۋ" بابى بويىنشا تەرگەلىپ جاتىر. ەسەنتايەۆا اۋرۋحانادا 10 كۇن بولدى، ءبىراق ۇيىنە شىققاننان كەيىن جۇلدىز ەۋروپانىڭ فرانسيا ەلىندە ەلدەن جىراق تىنىعىپ، ەم الىپ قايتتى.