الماتىداعى ابىلاي حان مەن رايىمبەك داڭعىلدارىنىڭ قيىلىسىنداعى ۇيلەردىڭ ءبىرىنىڭ قوقىس كونتەينەرىنەن دەنە بولشەكتەرى تابىلعان ەر ادام كەنتاۋدان كەلگەن بولىپ شىقتى، - دەپ حابارلايدى Qamshy.kz Tengrinews.kz - كە سىلتەمە جاساپ.

قازا بولعاننىڭ تۋىسىنىڭ ايتۋىنشا، ول پىشاق جاراقاتىنان قازا تاپقان. "ونى 6 قىركۇيەكتە، سەيسەنبى كۇنى ءولتىرىپ كەتكەن. تەرگەۋدىڭ مالىمەتىنشە، ول پىشاق جاراقاتىنان ولگەن. جەرلەۋ ءراسىمى 9 قىركۇيەكتە وتەدى. مەن الماتىعا بارا جاتىرمىن. ونى قالادا جەرلەيمىز، ونىڭ بالاسى جوق، وتباسى قۇرماعان. ءمان-جايىن بىلمەيمىن"، - دەدى ول.

ايتا كەتەيىك، وسىعان دەيىن ابىلاي حان جانە رايىمبەك داڭعىلدارىنىڭ قيىلىسىندا ورنالاسقان ءۇيدىڭ اۋلاسىنداعى قوقىس جاشىگىندە ەر ادامنىڭ دەنە مۇشەلەرىن تاپقانى جايلى ايتىلعان ەدى. الدىن الا مالىمەت بويىنشا، ادامنىڭ قالدىقتارى - باسى جانە قولى. ول كونتەينەردىڭ ىشىندەگى مۇشەلەردى قوقىس جاشىكتەرىن قاراپ جۇرگەن ءۇيسىز ادام كورگەن. پوليسەيلەر تەرگەۋ جۇمىستارىن جۇرگىزىپ جاتىر، كۋاگەرلەردى سۇراستىرىپ جاتىر. وقيعا ورنىنا قالالىق ءىىد-نىڭ باسشىسى سەرىك كۇدەبايەۆ كەلدى. سونداي-اق وقيعا ورنىندا پروكۋرورلار دا جۇمىس جاساپ جاتىر. 

ق ر ءىىم رەسمي وكىلى الماس سادۋبايەۆتىڭ ايتۋىنشا، ەر ادامنىڭ ءمايىتىنىڭ تابىلۋىنا بايلانىستى سوتقا دەيىنگى تەرگەۋ جۇمىستارى ق ر قىلمىستىق كودەكسىنىڭ 99-بابى ("ادام ءولتىرۋ") بويىنشا جۇرگىزىلىپ جاتىر. پوليسيا قىزمەتكەرلەرى قىلمىس بولعان پاتەردى دە انىقتاعان.

سونىمەن قاتار، كورشى پاتەردە تۇراتىن ايەل تۇنگى ۋاقىتتا ەشقانداي ايقايدى ەستىمەگەنىن ايتتى. ول پاتەردىڭ جالعا بەرىلەتىنىن راستادى.