الماتىداعى پاتەرلەردىڭ بىرىندە دەنەسى بولشەكتەلىپ تابىلعان ەر ادام كەنتاۋدان كەلگەن، - دەپ حابارلايدى كتك تەلەارناسى. بۇگىن قاندى وقيعا جايلى كەي دەرەكتەر بەلگىلى بولدى. سوت ساراپتامسى ورتالىعىندا ءولىمنىڭ ناقتى سەبەبى ەكى اپتادان كەيىن انىق بولادى دەگەن.
ەستەرىڭىزگە سالساق، وسىعان دەيىن ابىلاي حان جانە رايىمبەك داڭعىلدارىنىڭ قيىلىسىندا ورنالاسقان ءۇيدىڭ اۋلاسىنداعى قوقىس جاشىگىندە ەر ادامنىڭ دەنە مۇشەلەرىن تاپقانى جايلى ايتىلعان ەدى. الدىن الا مالىمەت بويىنشا، ادامنىڭ قالدىقتارى - باسى جانە قولى. ول كونتەينەردىڭ ىشىندەگى مۇشەلەردى قوقىس جاشىكتەرىن قاراپ جۇرگەن ءۇيسىز ادام كورگەن. پوليسەيلەر تەرگەۋ جۇمىستارىن جۇرگىزىپ جاتىر، كۋاگەرلەردى سۇراستىرىپ جاتىر. وقيعا ورنىنا قالالىق ءىىد-نىڭ باسشىسى سەرىك كۇدەبايەۆ كەلدى. سونداي-اق وقيعا ورنىندا پروكۋرورلار دا جۇمىس جاساپ جاتىر.
