پاريجدەگى نوتو-دام سوبورى الدىنداعى قارۋلى پوليسيا جاساعى، فرانسيا.
فرانسيا بيلىگى زورلىق-زومبىلىق ارەكەتىن جاساۋعا دايىندالدى دەگەن سەزىكتى "راديكالدانعان" ءۇش ايەلدىڭ قامالعانىن حابارلادى،- دەپ مالىمدەيدى Qamshy.kz. Aزاتتىققا سىلتەمە جاساپ. ايەلدەر پاريجدەگى نوتر-دام سوبورى جانىنا ىشىندە بەنزين قۇيىلعان كانيسترى بار كولىك قويىپ كەتۋىنە قاتىستى تەرگەۋ اياسىندا ۇستالعان. "39، 23 جانە 19 جاستاعى بۇل ايەلدەر راديكالدانعان جانە فاناتتار، ولار تاياۋ ۋاقىتتا زورلىق-زومبىلىق جاساۋدى جوسپارلاعانعا ۇقسايدى" دەپ مالىمدەدى فرانسيا ىشكى ىستەر ءمينيسترى بەرنار گازنيەۆ تەلەارنادان.
ءمينيستردىڭ سوزىنشە، كۇدىكتىلەردىڭ ءبىرى ۇستاۋ كەزىندە پوليسيا قىزمەتكەرىنە پىشاق سالماق بولعاندا اتىس قارۋىنان جارالانعان.
بۇعان دەيىن فرانسيا پرەزيدەنتى فرانسۋا وللاند سوڭعى كۇندەرى ەلدە شابۋىلدىڭ الدى الىنعانىن حابارلاعان، ءبىراق ول تۋرالى تولىق اقپارات بەرمەگەن.
2015 جىلى قاراشادا پاريجدە 130 ادام قازا تاپقان يسلامشىل سودىرلاردىڭ شابۋىلدارىنان سوڭ فرانسيادا تەررورلىق قاۋىپ-قاتەردىڭ دەڭگەيى جوعارى دەپ جاريالانعان.
