قازاقستاندا پاراندجا مەن نيكابقا تىيىم سالىنباۋى مۇمكىن. بۇل تۋرالى ۇكك ءتوراعاسىنىڭ ورىنباسارى مارات قولقوبايەۆ "ەكسترەميزم مەن تەرروريزمگە قارسى كۇرەس ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر  مەن تولىقتىرۋلار ەنگىزۋ تۋرالى" زاڭ جوباسىنىڭ تانىستىرىلىمى كەزىندە مالىمدەدى، - دەپ حابارلايدى Qamshy.kz Nur.kz - كە سىلتەمە جاساپ.

قولقوبايەۆتىڭ ايتۋىنشا، بۇل جوبانى تانىستىرماس بۇرىن جۇمىس توبى وزگە ەلدەردىڭ تاجىريبەسىن ءجىتى زەرتتەگەن. ونىڭ ىشىندە، پاراندجا مەن نيكاب كيۋگە تىيىم سالۋ ماسەلەسى قامتىلعان گەرمانيانىڭ تەرروريزمگە قارسى زاڭدارىنا نازار اۋدارعان.

«گەرمانيادا بىلتىر بايلانىس وپەراتورلارىن ابونەنتتەردىڭ قوڭىراۋلارى مەن بايلانىستارى جونىندەگى دەرەكتەردى ساقتاۋعا مىندەتتەيتىن زاڭ قابىلدانعان-دى. سونىمەن بىرگە، گەرمانيادا نيكاب مەن پاراندجا كيۋگە تىيىم سالۋ، ميگرانتتاردى دەپورتاسيالاۋ جانە 14 جاستان باستاپ قىلمىستىق جاۋاپكەرشىلىككە تارتۋ تۋرالى ۇسىنىستار دا قارالىپ جاتىر. دارىگەرلىك قۇپيانى دا الىپ تاستاۋ مۇمكىندىگى تالقىلانۋدا"، - دەپ مالىمدەدى قولقوبايەۆ.

الايدا، جۇمىس توبى قازاقستاندا ءدىني كيىم كيۋگە تىيىم سالۋ ماسەلەلەسى قارالمايتىنىن ايتتى.

«حالىقارالىق تاجىريبەنى زەرتتەۋ ارقىلى كيىم كيىستى شەكتەۋ ماسەلەلەرى ورىنسىز دەپ تانىلدى"، - دەپ قورىتىندىلادى قولقوبايەۆ.