وزبەكستان ورتالىق سايلاۋ كوميسسياسىنىڭ حابارلاۋىنشا، وزبەكستان پرەزيدەنتىن سايلاۋ 4 جەلتوقسانعا بەلگىلەندى. سايلاۋ ناۋقانى 2016 جىلعى 9 قىركۇيەكتە باستالادى، - دەپ حابارلايدى Qamshy.kz.

«ءور كونستيتۋسياسىنىڭ 96، 117-باپتارىنا، سونداي-اق «ءور پرەزيدەنتىن سايلاۋ تۋرالى» زاڭنىڭ 8-بابىنا، «ءور ورتالىق سايلاۋ كوميسسياسى تۋرالى» زاڭنىڭ 5 جانە 9-باپتارىنا سايكەس جەكسەنبى،   2016 جىلعى 4 جەلتوقساندى  پرەزيدەنتتى سايلاۋ كۇنى دەپ بەلگىلەۋ جونىندە شەشىم قابىلداندى. وسىعان بايلانىستى، ورتالىق سايلاۋ كوميسسياسى سايلاۋ بويىنشا ناۋقاندى وسى جىلعى 9 قىركۇيەكتەن باستايتىنى جايلى حابارلادى»، - دەلىنگەن وسك حابارلاماسىندا.

ورتالىق سايلاۋ كوميسسياسىنىڭ وتىرىسىندا وزبەكستان رەسپۋبليكاسى پرەزيدەنتىن سايلاۋعا ازىرلىك جانە ونى وتكىزۋ بويىنشا نەگىزگى شارالار باعدارلاماسى بەكىتىلدى.

ايتا كەتەيىك،وزبەكستاننىڭ پرەمەر-مينيسترى شاۆكات ميرزيەيەۆ وزبەكستان پرەزيدەنتىنىڭ مىندەتىن ۋاقىتشا اتقارۋشى بولىپ بەكىتىلدى، سەنات ءتوراعاسى نيعماتيللا يۋلداشيەۆ  بۇل قىزمەتتەن ءوزى باس تارتقان بولاتىن.