بۇگىن وكق بريفينگى بارىسىندا «حابار» اق باقسارما ءتورايىمى الماگۇل احمەتجانوۆا  «كاzakh TV» مەن «بiلiم جانە مادەنيەت» ارنالارى بiرiكتiرiلەتىنىن حابارلادى.

ءيا، بىرىكتىرىلەتىنىندەي بار. بۇل ەكى ارنانىڭ اۋديتورياسى مەن وندىرىلەتىن كونتەنتى بىر-بىرىنە وتە ۇقساس. ەكى ارنا دا تانىمدىق باعدارلامالار جاسايدى.

-ەكى ارنا دا تاريح، مادەنيەت، ءداستۇر، بiلiم، تۋريزمگە باسا نازار اۋدارادى. بiز بiرiكتiرiلگەن ارنادا وسى باعىتتاردىڭ ساپاسىن ودان ءارi ارتتىرۋعا مۇددەلiمiز. بiرiكتiرiلگەن ارنا ەندi رەسپۋبليكا اۋماعىندا قولجەتiمدi بولادى. ول 25 قازاننان باستاپ «كاzakh TV» اتاۋىمەن ەفيرگە شىعادى»، - دەدi الماگۇل احمەتجانوۆا.

ەكى ارنا بولىپ جۇمىس ىستەسە دە، بىرىكتىرىلسە دە قازاق اۋديتورياسىنا وسى ارنالار قاجەت پە ەدى؟

«كاzakh TV» ارناسى الدىمەن «CaspioNet» دەگەن اتاۋمەن 2002 جىلدىڭ  25 قازانىنان باستاپ كورەرمەنگە العاشقى سپۋتنيكتى ارنا بولىپ جول تارتقان.  اراعا 10 جىل سالىپ، 2012 جىلدىڭ 1 قىركۇيەگىنەن باستاپ جاڭا «كاzakh TV» ارناسى دەگەن اتاۋمەن تاراي باستادى.

ەندى 2014 جىلدىڭ قاڭتار ايىندا ق ر پرەزيدەنتى ن.ءا. نازاربايەۆتىڭ تاپسىرماسىمەن «ءبىلىم» جانە «مادەنيەت» ارنالارى بىرىكتىرىلىپ، وتاندىق تەليەۆيزيا وندىرىسىندە «ءبىلىم جانە مادەنيەت» مادەني-اعارتۋشىلىق باعىتتاعى جاڭا تەلەارنا بولىپ شىعا باستاپتى.

اتاۋى وزگەرتىلگەن العاشقى ارنا مەن بىرىكتىرىلگەن كەيىنگى ارنانىڭ باعىتى ءبىر – تانىمدىق.

ەندى وسى جەردە سۇراق تۋىندايدى.

باستاپقى «ءبىلىم» جانە «مادەنيەت» تەلەارنالارىن اشۋ نەمەسە بىرىكتىرۋ نەگە، كىمگە كەرەك بولدى؟ ەندى سول بىرىككەن «ءبىلىم جانە مادەنيەت» تەلەارناسى مەن «كاzakh TV»  ارناسىن بىرىكتىرۋ ارقىلى كورەرمەنگە نە بەرە الامىز؟

اشىلىپ، ارتىنان جابىلىپ، نەمەسە ءبىر بىرىنە قوسىلىپ جاتقان سانى بار، ساپاسى جوق ارنالار كىمگە كەرەك؟  باعىتى قانداي؟ اۋديتورياسى كىمدەر؟

ءدال وسى ارنالاردىڭ باعىتىندا «حابار» ارناسىنىڭ ءوزى دە جۇمىس جاسايدى. وعان جاقىندا عانا اتاۋىن وزگەرتكەن «حابار 24» ارناسىن قوسىڭىز.

بىر-بىرىنەن ايىرماشىلىعى جوق ارنالارعا مەملەكەت بيۋدجەتىنەن قارجى ءبولۋ قانشالىقتى ءتيىمدى؟

اقشانى ارنالارعا شاشامىز دەپ، ايتارى ءبىر، اۋديتورياسى ورتاق، ءمان-ماعىناسى كەتكەن قازاق تەليەۆيزياسىن جاساپ جۇرگەن سياقتىمىز.

جالپى بۇگىندە ءبىر «حابار» اگەنتتىگىنىڭ وزىنە  «حابار»، «حابار-24»، «كاzakh TV»، «بiلiم جانە مادەنيەت» سياقتى 4 ارنا كiرەدi.

ءبىر اگەنتتىكتىڭ جۇمىسىن ۇستاپ تۇرۋ ءۇشىن، اتاۋى عانا باسقا، وندىرەتىن كونتەنتى، اۋديتورياسى، باعىتى ءبىر ارنالاردىڭ سانىن كوبەيتىپ نە كەرەك؟

ءقازىر قالىڭ كورەرمەننەن «كاzakh TV» ارناسى مەن «بiلiم جانە مادەنيەت» تەلەارناسىنىڭ قانداي جوباسى، قانداي جۇمىسى ەسىڭىزدە قالدى، نەسىمەن ەرەكشەلەنەدى دەپ سۇراساڭىز، كورەرمەننىڭ ءوزى دە ەسىنە تۇسىرە الماۋى مۇمكىن. ويتكەنى، كورەرمەن جىلت ەتكەن نارسەنى ەستە ساقتاي بەرمەيدى. كورەرمەننىڭ جادىندا ۇزاق ساقتالۋى ءۇشىن قايتالانباس تەلەونىم بەرە الۋ كەرەك.

قازىرگى تاڭدا «تەلەارنا اۋديتورياسى تەك كوزبەن كورەدى» دەگەن قاتە ۇعىممەن، كونتەنتتىڭ ماعىناسى مەن سوزىنە اسا ءمان بەرمەي جاتامىز. ماسەلەن، «جاڭالىقتاردى جۇرگىزۋشى قىز قاتە وقىسا دا، ادەمى بولىپ وتىرۋ كەرەك، كورەرمەننىڭ كوزىن ادەمىلىكپەن ۇستايمىز» دەگەن پىكىردىڭ قالىپتاسقانى قاشان...

سول سياقتى، كورەرمەنگە بەرەرى جوق ارنالاردى بىرىكتىرىپ، مەملەكەتتىڭ بيۋدجەتىنەن ودان ءارى جۇمىسىن جالعاستىرا بەرگەنشە، قارجى ەكونومداۋ ءۇشىن سانى بار، ساپاسى جوق ارنالاردى جاۋىپ تاستاي سالۋ كەرەك.

سوندا حالىققا قاجەتتى ءونىمدى بەرە الماساق تا، حالىقتىڭ قارجىسىن جۇمساۋدا پايدا كەلتىرەر ەدىك.

ينديرا قۋات