وڭتۇستىك قازاقستان وبلىسىندا تاماق ونەركاسىبىنە جاڭا سەرپىلىس بەرەتىن «تاماق ونەركاسىبى» - اgroprom Shymkent 2016 كورمەسى ءوتتى. شاراعا وبلىس اكىمىنىڭ ورىنباسارى س.تۇياقبايەۆ، وقو كاسىپكەرىك، يندۋستريالدى-يننوۆاسيالىق دامۋ جانە تۋريزم باسقارماسىنىڭ باسشىسى م. قارابايەۆ جانە جامبىل وبلىسىنان كەلگەن قوناقتار قاتىستى، - دەپ حابارلايدى Qamshy.kz Baq.kz - كە سىلتەمە جاساپ.

كورمەدە ازىق-تۇلىك جانە سۋسىن تۇرلەرىن، ولاردى شىعارۋعا ارنالعان جابدىقتار مەن تەحنولوگيالاردى، ىدىس پەن قاپتامانى وندىرۋگە ارنالعان ماتەريالدار مەن جابدىقتاردى ۇسىنىلدى. “AgroProm Shymkent 2016” كورمەسىنىڭ اياسىندا تولىققاندى ىسكەرلىك باعدارلامالار قاراستىرىلدى. 

اتاپ ايتقاندا شارا كەزىندە «وڭتۇستىك قازاقستان وبلىسىندا تاماق ونەركاسىبىن دامىتۋ: ۇردىستەرى مەن پەرسپەكتيۆالارى» تاقىرىبىندا دوڭگەلەك ۇستەل ءوتتى. سونداي-اق، وڭتۇستىك ءوڭىرى مەن جامبىل وبلىسىنىڭ اراسىندا كووپەراسيانى دامىتۋ اياسىندا مەموراندۋمعا قول قويىلدى.

ايتا ءوتۋ كەرەك، جىل باسىنان بەرى وڭتۇستىك وڭىرىندە تاماق ونەركاسىبىنە 3 ملرد. تەڭگەدەن استام ينۆەستيسيا سالىنعان. ءدال وسى كورسەتكىش جىل سوڭىنا دەيىن ەسەلەنە تۇسەدى دەگەن جوسپار بار.

ماسەلەن، تاياۋدا قازىعۇرت اۋدانىندا “Lotus Food Company LLC” ج ش س تەز دايىندالاتىن كەسپە جوباسى جۇزەگە اسىرىلدى. ءدال وسى جوباعا 471 ملن. تەڭگە كولەمىندە ينۆەستيسيا سالىنعان.