بۇگىندە قايرات تانىمال ءارى قالتالى ءانشى. ءوزىن وسى ءبىر  دەڭگەيدە ۇستاپ تۇرۋ  ءۇشىن قايرات جارنامانىڭ ءتۇرلى امالدارىن  ۇيرەنگەن. ۇلكەن شاھارلاردا جەكە كەشتەرىن "شوۋ" قىلىپ وتكىزسە، ايماقتاردا "قىمبات كوستيۋمىن" لاقتىرادى، ال اۋىلداردا "قايىرىمدىلىق شارالارىن" ءجيى ۇيىمداستىرادى، - دەپ حابارلايدى Qamshy.kz.

"جۇلدىزدار جارقىرايدى" باعدارلاماسىنىڭ كەيىپكەرى بولعان ءانشى الداعى جوسپارلارىمەن ءبولىستى.

وعان قوسا، قايراتتىڭ ونەرىن قايتالاعىسى كەلىپ، وعان ەلىكتەيتىندەر قانشاما. سوندىقتان بولار، ءانشى ينستاگرام پاراقشاسى ارقىلى ءان بايقاۋلاردى ءجيى جاريالايدى. جاقىندا جاريالاعان سايىسىنىڭ شارتى بويىنشا ءانشىنىڭ حيت اندەرىن سەزىممەن، جۇرەكپەن ورىنداپ شىقسا بولعانى ەكەن. 
 
قايرات نۇرتاس، ءانشى:
- جەڭىمپاز مەنىمەن بىرگە كاراوكەدە ءان سالادى، اللا باسىنا ب ا ق بەرسە مەنىمەن بىرگە دۋەت ايتىپ  ۇلكەن ساحنالارعا دا شىعۋى مۇمكىن.

ال، اراسىنان سۋىرىلىپ شىققان ونەرلىلەرىن ءانشى ءوزىنىڭ پروديۋسەرلىك ورتالىعىنا دا الۋى مۇمكىن. 
 
قايرات نۇرتاس،  ءانشى:
- سوندىقتان مەنىڭ اندەرىمدى ورىنداپ ايتىڭىزدار.
 
بايقاۋ قىركۇيەك ايىنىڭ ورتاسىنان دەيىن جالعاسادى. قاپى قالماڭىزدار!  ايتپاقشى، قايراتتىڭ حيت اندەرىن جاس ونەرپازدار ەلىمىزدە عانا ورىنداپ جۇرگەن جوق. كورشى ەل: رەسەي، ءازىربايجان مەن بەلورۋسيادا ايتىپ جۇرگەندەر جەتەرلىك ەكەن. ءتىپتى، رەسەيدىڭ مىنا ءبىر ءانشىسى «مۇمكىن ەمەس» ءانىن ورىسشا اۋدارىپ وعان «تى نە سو منوي» دەگەن اتاۋ بەرىپ،  بەينەبايان دا ءتۇسىرىپ الىپتى.

قايراتتىڭ نيۋشامەن ايتقان دۋەتى تالايلاردىڭ كوڭىلىنەن شىققانى سونشا، قازاقتىڭ تويلارىنا بىرگە شاقىراتىن بولعان. مىناۋ شىمكەنت قالاسىنداعى تويلاردىڭ ءبىرى.

دەگەنمەن، ءانشىنىڭ ارمانى زاڭى قاتال رەسەيدىڭ شوۋ-بيزنەسىن باعىندىرۋ ەكەن. ارمانىن ىسكە اسىرۋ ءۇشىن اركەتتەنىپ تە ءجۇر. جاقىندا ماسكەۋدە جەكە كەشىن بەرىپ قايتقان. ەندىگى جوسپارى كرەملدە زال تولتىرۋ. 
 
قايرات نۇرتاس، ءانشى:
-ارمانىم كرەملگە بارىپ كەش بەرۋ. يزۆەستيە دەگەن جەرىندە بەردىم. وندا ءۇش مىڭ ادام سيادى. ال، كرەملدەگى زالعا 7 مىڭ ادام سيادى. ارجاعىندا 4 مىڭ ادام جيناۋ قيىن ەمەس دەپ ويلايمىن.

ارينە، ەڭبەكقور انشىگە قيىن بولمايتىنىنا سەنىمدىمىز. 
 
قايرات نۇرتاس، ءانشى:
- جالپى مەن دايىنمىن. مەن شەت تىلىندە دە ءان سالا الامىن. ورىس تىلىندە دە ءان سالا الامىن. مۇمكىن سول ەلدىڭ تانىمال ءانىن سول تىلدە ورىندايتىن شىعارمىن. ءبىراق، ازىرگە بىلمەيمىن.
 
قايراتتان ۇنەمى جاڭالىق كۇتەتىن كورەرمەنگە ءانشىنىڭ جاڭالىعى دا بار ەكەن. جاقىندا، ياعني قاراشا ايىندا جەكە كەشىن وتكىزبەك. ازىرگە جۇلدىز قايدا، قالاي بولاتىنىن قۇپيا ۇستاۋدا.