دەموكراتيالىق پارتيا اتىنان پرەزيدەنتتىك سايلاۋعا ءتۇسىپ وتىرعان حيللاري كلينتون كورەي حالىقتىق دەموكراتيالىق رەسپۋبليكاسىنىڭ يادرولىق سىناعىنا بايلانىستى پەكينگە قوقان-لوقى كورسەتۋدە. بۇل تۋرالى «كومسومولسكايا پراۆدا» باسىلىمى جازادى. كلينتون قىتايعا اقش-تىڭ راكەتاعا قارسى قورعانىس جۇيەسىن كەڭەيتە بەرەتىنىن ەسكەرتتى. كلينتوننىڭ پىكىرىنشە، جۇڭگو بۇل جونىنەن سولتۇستىك كورەياعا قىسىم جاساۋى كەرەك.
«مەن بىزدە قىتايعا قىسىم كورسەتۋدىڭ بارلىق تەتىكتەرى بار ەكەننى بىلەمىن» دەپ ەسكەرتتى كلينتون. CNN تەلەكانالىنىڭ حابارلاۋىنشا، كلينتون ۆاشينگتوننىڭ جاقتاستارىن راكەتاعا قارسى جۇيەلەرمەن قولدايتىنىن ايتقان.
ەستەرىڭىزگە سالايىق، 9 قىركۇيەكتە كورەي حالىقتىق دەموكراتيالىق رەسپۋبليكاسى بەسىنشى يادرولىق سىناعىن جۇزەگە اسىردى.
