نەاپول قالاسىنىڭ تۇرعىنى تيسيانا كانتونە جىنىستىق قاتىناسقا تۇسكەنى تۇسىرىلگەن  ۆيدەوسى جەلىدە پايدا بولعان سوڭ، وعان ايتىلعان قورلىق ماندەگى جانە نامىسقا تيەتىن سوزدەرگە شىداماي، وز-وزىنە قول جۇمساعان، - دەپ حابارلايدى Qamshy.kz Tengrinews.kz سىلتەمە جاساپ.

 31 جاستاعى كانتونە وسىدان ءبىر جىل بۇرىن ءوزىنىڭ سۇيىكتىسىنە جانە تاعى ءۇش تانىس جىگىتىنە ونىمەن تۇسىرىلگەن جىنىستىق قاتىناستىڭ ۆيدەوسىن جىبەرگەن. سودان ولار ول ۆيدەونى الىپ ينتەرنەتكە جۇكتەگەن. كەيىن ول ۆيدەوجازبا الەۋمەتتىك جەلىلەردە تارالىپ، ميلليوننان اسا كورىلىم جيناعان. ال ۆيدەونىڭ اۆتورىنا ءتۇرلى بالاعات سوزدەر مەن مازاق ايتىلعان.

ايتا كەتەيىك، تيسيانا سوت وتىرىسىنا قاتىسقاننان كەيىن ونىڭ بۇل ۆيدەوسى سايتتاردان ءوشىرىلۋى ءتيىس بولاتىن. الايدا ودان سوت شىعىندارىن وتەۋ ءۇشىن 22،5 مىڭ دوللار تالاپ ەتىلگەن. سوتتىڭ ۆيدەونى ينتەرنەتتەن ءوشىرىپ تاستاۋ تۋرالى شەشىم قابىلداعانىنا قاراماستان، ينتەرنەت قولدانۋشىلارى ۆيدەونى بىر-بىرىنە تاراتۋدى توقتاتپاعان. 

سودان ينتەرنەت قولدانۋشىلارىنىڭ مۇنداي قىسىمىنا شىداماعان تيسيانا 14 قىركۇيەكتە وز-وزىنە قول جۇمسادى. قۇقىق قورعاۋ ورگاندارى قىلمىستىق ءىس قوزعادى. ال پوليسيا قىزمەتكەرلەرى بۇل قىلمىستىڭ سەبەبىن انىقتاۋ ۇستىندە.