ءبىزدىڭ بيلىكتە قازاق ءتىلىن بىلمەيتىن دەپۋتاتتار، شەنەۋنىكتەر بار دەسەم، شەتەلدىك دوستارىم سەنبەيدى. مۇنى مەنىڭ باسشىلىققا رەنىشىم دەپ قابىلدايدى. سوندايدا مەن: "بىزدە قازاقشا بىلمەيتىن وبلىس باسشىلارى دا بار". مىنە، بىزدە جاعداي وسىلاي، -دەيدى قازاقستان ۇلتتىق ارناسىندا تۇساۋى كەسىلگەن "وي-تولعاۋ" باعدارلاماسىنىڭ العاشقى سانىنا قاتىسقان  ساياساتتانۋشى دوس كوشىم. سونداي –اق بۇل باعدارلاماعا قاتىسقان باقىتبەك سماعۇل: ءبىز دەپۋتاتتار ءبىر جىلدارى ۋكراينعا باردىق ىسساپارمەن. كەلىسىم قۇجاتتارىمىزدى ورىس تىلىندە ولارعا بەردىك. سويتسەك ولار ول قۇجاتتاردى قايتارىپ بەردى. سەندەردىڭ مەملەكەتتىك تىلدەرىڭ قايدا، مىنانى قابىلداماميمىز دەپ ايتتى. سوسىن ءبىز ۇيالماستان ول قۇجاتتاردى قايتارىپ الىپ كەلىپ، قازاقشاعا اۋدارىپ قايتا جىبەردىك،- دەيدى.