الماتى وبلىسىندا پوليسيا ازاماتتارعا ساياسي قۋعىن-سۇرگىن جىلدارى زارداپ شەككەن تۋىستارى جايلى اقپارات ىزدەۋگە جاردەمدەسەدى.

وبلىستىڭ ءىىد باسپا ءسوز قىزمەتى 2014 جىلى ۇلتتىق قاۋىپسىزدىك كوميتەتىنە ءوڭىر پوليسەيلەرىنە 8000-نان استام مۇراعات قۇجاتتارىن بەرگەنىن حابارلادى.

«مۇراعات كەيىننەن سوت ورگاندارى اقتاعان قۋعىن-سۇرگىنگە ۇشىراعان ازاماتتارعا قاتىستى قۇجاتتاردى، سونداي-اق ۇوس ۋاقىتىندا تۇتقىنعا تۇسكەن كەڭەس ساربازدارى تۋرالى سۇزگىدەن وتكەن  ماتەريالدار، گەرمانيادان ءوز ەلىنە قايتارىلعان بۇرىنعى كسرو ازاماتتارى تۋرالى ماتەريالداردى قامتيدى»، - دەپ حابارلادى وبلىستىڭ ءىىد اقپاراتتىق-تالداۋ ورتالىعى باستىعىنىڭ ورىنباسارى جانار تۇرعانبەكوۆا.

ءقازىر پوليسيا ءوز وتباسىلارىنىڭ تاريحىن قالپىنا كەلتىرگىسى كەلەتىن ادامدارعا كومەك كورسەتۋدى جالعاستىرۋدا. ساياسي قۋعىن-سۇرگىن قۇرباندارى جايلى اقپاراتتاردى ق ر ءىىم ۆەدومستۆولىق پورتالىنان بىلۋگە بولادى. ول جەردە قۋعىن-سۇرگىنگە ۇشىراعان ادامدار جانە ولاردى رەابيليتاسيالاۋ تۋرالى دەرەكتەردى بويىنشا «مەموريال» سەرۆيسى قۇرىلدى.

بولىمگە مەملەكەتتىك قىلمىس جانە كونترريەۆوليۋسيالىق قىزمەتى ءۇشىن ركسفر ق ر 58 جانە 59-بابى بويىنشا ءتۇرلى مەرزىمگە سوتتالعان جانە ۇكىم كەسىلگەندەردىڭ قىلمىستىق ىسىنەن مالىمەتتەر ەنگىزىلگەن.

«الماتى وبلىسىنىڭ 4356 رەابيليتاسيالانعان تۇرعىندارىنا قاتىستى اقپاراتتارى بار دەرەكقورىن قالىپتاستىرۋ بويىنشا جۇمىستار اياقتالدى. وتكەن جىلى قۋعىن-سۇرگىنگە ۇشىراعانداردىڭ تۋىستارىنان، عالىمداردان، زەرتتەۋشىلەردەن 82 ءوتىنىش كەلىپ ءتۇستى، ولاردىڭ 12ء-سى وڭ جاۋاپ الدى. ازاماتتار تۋىستارىنىڭ سۋرەتتەرىن، باسقا دا ماتەريالداردى تاپتى»، دەپ اتاپ ءوتتى ول.