وتكەن جىلى وبلىستا سوتتى بولعاندار سانى 3000-عا جۋىق بولسا، بيىلعى كورسەتكىش ەداۋىر تومەندەگەن. بۇل تۋرالى الماتى وبلىسى پروكۋرورلارى باسپاسوز-بريفينگىندە ءمالىم ەتتى.  ايتۋلارىنشا، قازىرگى ۋاقىتتا ولاردى جۇمىسپەن قامتۋ ماسەلەسى وڭ شەشىمىن تابۋدا، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

ماسەلەن، ەلىمىزدىڭ باس پروكۋراتۋراسى 2017 جىلعا دەيىن الماتى وبلىسىنىڭ تۇزەتۋ مەكەمەسىندە وتىرعان ازاماتتاردىڭ 75 پايىزىن جۇمىسپەن قامتۋدى تاپسىرعان بولاتىن. بۇگىندە 700-دەن استام ادام ەڭبەككە تارتىلدى. وسىلايشا، كورسەتكىش 50 پايىزعا جەتكەن. دەنى - تىگىن سەحتارى مەن  ناۋبايحانالاردا جۇمىس ىستەيدى. وسى رەتتە، قۇزىرلى مەكەمە  قىزمەتكەرلەرى كاسىپكەرلەردىڭ كومەگىمەن بەلگىلەنگەن مەجەگە جەتۋدى كوزدەيدى. 

جاندوس ىسقاقوۆ الماتى وبلىستىق پروكۋراتۋراسىنىڭ باسقارما باستىعى
باس پروكۋراتۋرا مەن جۇمىسپەن قامتىعاندار سانىن 75 پايىزعا جەتكىزۋ ماقساتى قويىلىپ وتىر. ءقازىر ءبىز سونىڭ 50 پايىزىنان اسا جۇمىستار اتقارىلدى.  بۇل سانداردى كوتەرۋ ءۇشىن، مەملەكەت ۇلەسى از. سوندىقتان ءبىز وسى ءساتتى پايدالانا وتىرىپ،  بارلىق كاسىپكەرلەردى تۇزەۋ مەكەمەلەرىنىڭ شەبەرلەرىن جۇمىسقا الۋعا شاقىرامىن.