تالدىقورعاندا «قازاقستان-2050» دەموكراتيالىق كۇشتەرى الماتى وبلىستىق كواليسياسىنىڭ وتىرىسى ءوتتى. جيىندا كواليسيا مۇشەلەرى "100 ناقتى قادام" ۇلت جوسپارىن ىسكە اسىرۋ جولدارىن، "ازاماتتار ءۇشىن ۇكىمەت" مەملەكەتتىك كورپوراسياسىن قۇرۋ" كەزىندەگى شارالاردىڭ ايماقتىق جوسپارلارىنىڭ ورىندالۋىن تالقىلادى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

سونىمەن قاتار، الماتى وبلىسىندا "اقپاراتتىق قازاقستان 2020" مەملەكەتتىك باعدارلاماسىنىڭ جۇرگىزىلۋ بارىسى دا ءسوز بولدى. باياندامالار وقىلىپ، "مەملەكەتتىك قىزمەت كورسەتۋ" باعىتى بويىنشا قاۋلىلار قابىلداندى. ايتا كەتۋ كەرەك، مەملەكەتتىك قىزمەت كورسەتۋ ستاندارتى بويىنشا حالىققا مەملەكەتتىك قىزمەتتىڭ 730 ءتۇرى كورسەتىلۋ كەرەك. الايدا، بۇگىندە 530 ءتۇرى قامتىلىپ وتىر. 

عالياسقار سارىبايەۆ - «نۇر وتان» پارتياسى الماتى وبلىستىق فيليالى ءتوراعاسىنىڭ ءبىرىنشى ورىنباسارى. 
بۇگىنگى كۇنى التى ميلليونداي مەملەكەتتىك قىزمەت كورسەتىلگەن. ونىڭ ىشىندە ەكى ميلليون جەرگىلىكتى اتقارۋشى ورگاندار اتقارعان بولسا. ال، ءتورت ميلليونعا جۋىعىن جەرگىلىكتى اتقارۋشى ورگاندار اتقارعان بولاتىن.