ەل ەكونوميكاسىنا ەلەۋلى ۇلەس قوسىپ جۇرگەن كاسىپكەرلەر، ەندى بولاشاقتاعى باستى ينۆەستيسيامىز - بالا تاربيەسىنە باسا ءمان بەرۋدە، - دەيدى. كەشە قاسكەلەڭ قالاسىندا «Mega vector» اتتى ينكليۋزيۆتى بالاباقشا اشىلدى. قاراساي اۋدانىنىڭ ىسكەر ايەلى دينارا بايتىلەۋ قىزىنىڭ ءوز قارجىسىمەن ىسكە قوسىلعان مەكتەپكە دەيىنگى ءبىلىم بەرۋ مەكەمەسى، 75 بالاعا ارنالعان. وندا  دەنساۋلىعىندا كەمىستىگى بار بالدىرعاندار تاربيەلەنەدى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

مۇنداي ينكليۋزيۆتى بالاباقشا قاراساي اۋدانىندا عانا ەمەس، وڭىردە دە العاش اشىلىپ وتىر. سوندىقتان  الەۋمەتتىك ماڭىزى زور مەكتەپكە دەيىنگى مەكەمەنىڭ جۇمىس باستاۋىنا قالا اكىمى جانە ءبىر توپ تۇرعىن قاتىستى.  سالتاناتتى شارادا كوپشىلىك جاي بالاباقشا ەمەس، دەنساۋلىعىندا كەمىستىگى بار بالدىرعاندارعا ارناپ ورتالىق اشىپ وتىرعان قۇرىلتايشىعا العىس ايتىپ،  ىسىنە ساتتىلىك تىلەدى. 

مارجان مىرزاحمەت قىزى، قاسكەلەڭ قالاسى اكىمدىگى اپپاراتىنىڭ باس مامانى
ءبىزدىڭ قاسكەلەڭ قالاسى بويىنشا 5 مەملەكەتتىك، 10 جەكەمەنشىك بالاباقشا بار. بۇگىنگى «Mega vector» بالاباقشاسى بۇل ەرەكشە بالاباقشا بولىپ وتىر. ويتكەنى بۇل ينكليۋزيۆتى بالالارعا ارنالعان. بۇنداي بالاباقشا اۋدان كولەمىندە ءبىرىنشى رەت اشىلىپ وتىر. سوندىقتان ءبىزدىڭ اتا-انالارىمىز ءۇشىن دە ءبىز ءۇشىن دە بۇل قۋانتارلىق جاعداي.

1،5 - 6 جاسقا دەيىنگى بۇلدىرشىندەرگە ارنالعان بالاباقشا تاڭعى ساعات 7-دەن كەشكى 7-گە دەيىن جۇمىس ىستەيدى. بالالار جاس ەرەكشەلىكتەرىنە قاراي 4 توپقا بولىنگەن. ولارمەن ارنايى مامانداندىرىلعان، ديەتولوگ، دەفەكتولوگ، لوگوپەد، پسيحولوگ، پەداگوگ  سىندى 15 مامان جۇمىس ىستەيدى.  

اجار شايكوزوۆا، قاسكەلەڭ قالاسىنىڭ تۇرعىنى
نەمەرەمدى الىپ كەلىپ وتىرمىن. نەمەرەم 3 جاستا. بالا ءبىزدىڭ بولاشاعىمىز. مەنى  الاڭداتاتىنى -نەمەرەمنىڭ سويلەۋ دەفەكتىسى بار ەدى. ماعان قاتتى ۇناعانى بالاباقشادا دەفەكتولوگتار، پسيحولوگتار جۇمىس ىستەيدى ەكەن. جانە ماماندارىنا قاراپ وتىرسام،ءبارى  مامانداندىرىلعان. الداعى ۋاقىتتا بالامنىڭ دەنساۋلىعى، سويلەۋ مانەرى، مادەنيەتى تۇزەلەدى دەپ ويلايمىن.كوپ ءۇمىت ارتامىن، جانە سەنىمدىمىن.

مۇنداي ەرەكشە بالاباقشادا  ءار بالامەن جەكە جۇمىس جۇرگىزىلەدى. پەداگوگتار بالانىڭ ءجۇرىس-تۇرىسى، سويلەۋى، ويلاۋىنا دەيىن دامۋىن قاداعالايدى. ويىنىنا ءمان بەرەدى. 

 قاسكەلەڭدىكتەردىڭ قۋانىشىنا اشىلعان بۇل مەكەمەدە بۇلدىرشىندەرگە 5 ۋاقىت تاماق بەرىلەدى. قازان ايىنان بالالاردى ۇيلەرىنەن اكەلىپ-اپارۋ  جۇيەسىن قولعا الامىز دەيدى، - بالاباقشا قۇرىلتايشىسى. ماماندىعى پەداگوگ كاسىپكەر، ءدال وسىنداي بالاباقشا اشۋ ءۇشىن 7 جىل زەرتتەپتى. تاۋەكەلگە بەل بۋىپ، ءوز قاراجاتىن سالعان ول، ەندى "بالاپان" باعدارلاماسىنا وتۋگە قۇجاتتارىن جيناستىرۋدا.

دينارا بالبەكوۆا،  «MEGA VECTOR» ينكليۋزيۆتى بالاباقشاسىنىڭ قۇرىلتايشىسى
بۇل ينكليۋزيۆتى بالاباقشانى اشقانداعى سەبەبىم -وسكەلەڭ ۇرپاققا دەنى ساۋ، ءبىلىمدى دە وزات بالالاردى تاربيەلەۋ. وبلىس بويىنشا ءبىرىنشى بالاباقشا. ءقازىر بىزدە 75 بالامىزدىڭ 16 بالاسى سال اۋرۋىمەن اۋىراتىن بالالار. سولارمەن جۇمىس جاساپ جاتىرمىز.الداعى ۋاقىتتا ەلباسىنىڭ 2050 ستراتەگياسىن ورىنداۋعا كوشەمىز.

باستاپقى قادامىن قوس قاباتتى شاعىن بالاباقشادان باستاعان، كاسىپكەر، كەلەر جىلعا كەشەندى مىندەت قويىپ وتىر. 250 ورىندىق ينكليۋزيۆتى ينتەرنات-بالاباقشا اشىپ، قاسكەلەڭ قالاسىنىڭ عانا ەمەس، وبلىس بالالارىن جيناسام دەيدى.