تالدىقورعاندا دەنە شىنىقتىرۋمەن اينالىساتىن ورىنداردىڭ سانى ارتا تۇسپەك. جانسۇگىروۆ كوشەسى بويىنداعى كوگالداعى حوككەي ستاديونى ماڭى جاتتىعۋ الاڭىنا اينالادى. وبلىس اكىمى اماندىق باتالوۆ قالاداعى قۇرىلىس نىساندارىن ارالاۋ كەزىندە وسىنداي ۇسىنىس تاستادى. سونىمەن قاتار، ەركىن اۋىلىنداعى جاڭا دەمالىس ورنىنا اتاۋ بەرۋ كوپشىلىك تالقىسىنا سالىنباق، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

تالدىقورعان اۋەجايىنداعى كۇردەلى جوندەۋ جۇمىستارى اياقتالۋعا جاقىن. قوسىمشا عيماراتتى جوندەۋدىڭ ازداعان شارۋالارى عانا قالدى. ورتا ەسەپپەن جىلىنا 26 مىڭ جولاۋشى تاسمالداناتىن نىساننىڭ جاڭا بەت-بەينەسى ەل كوڭىلىنەن شىعاتىن بولادى. وبلىس اكىمى اماندىق باتالوۆ ءالى دە بولسا عيمرات اينالاسىن اباتتاندىرۋعا ءمان بەرۋدى تاپسىردى. قورشاۋلاردى سىرلاپ، بۇلىنگەن جولداردى قالپىنا كەلتىرۋدى مىندەتتەدى. 

اۋەجايدان قالاعا بەت العان جولاۋشى مىنا جول جيەگىندەگى سىرى كەتكەن قورشاۋدى سىناۋى مۇمكىن. قالانىڭ جارقىن كەلبەتىنە وسىنداي ۇساق-تۇيەكتەر كەرى اسەرىن تيگىزەدى دەدى، - اكىم. جول بويىنداعى اعاش، ءشوپتىڭ ادەمى ءوسۋىن دە قاداعالاۋ قاجەتتىلىگىن جاۋاپتى تۇلعالارعا ەسكەرتتى. ال ەركىن اۋىلى ماڭىنداعى مىنا جاڭا دەمالىس ورنىمەن ءار تالدىقورعاندىق ماقتانسا بولادى. بۇرىن قاراۋسىز قالىپ، توپىراعى توزىپ، ءشوپ تە شىقپاي تۇرعان جەر ءقازىر كورسە كوز تويماس سايالى ورىنعا اينالدى. ماسەلەن، 7 قارلىعاشتى قولىنا قوندىرعان قىز-جىگىت ءمۇسىنى دە الاڭنىڭ اجارىن اشىپ تۇر. ەندىگى ماسەلە، دەمالىس ورنىنا ات قويۋ. 

اماندىق باتالوۆ   الماتى وبلىسىنىڭ اكىمى  اۋدارما- بۇل مۇسىندە ۇلكەن ۇيلەسىمدىلىك جاتىر، قۇستار مەن ادامزاتتىڭ اراسىنداعى ماحاببات. ءمانىن اشا تۇسەتىن، قۇلاققا دا جاعىمدى ات قويىلعانى ءجون بولار. مۇمكىن قالامگەرلەرمەن اقىلداسىپ، كونكۋرس جاريالاساق. 

جاڭا الاڭعا جاڭا ەسىم بەرۋ كوپشىلىكتىڭ تالقىسىنا سالىنباق. كوكەيدە جۇرگەن، كوڭىلگە قونىمدى اتاۋ بولسا قۇرمەتتى كورەرمەن ءسىز دە پىكىر ايتىڭىز، اتسالىسىڭىز. بولاشاقتا وسى دەمالىس ورنىنان تىنىعىپ قالاعا قايتقان بەتتە مىنا ارادا دەنە شىنىقتىرۋ جاتتىعۋلارىن جاساۋعا بولادى. اشىق جاتقان الاڭقايعا ءتۇرلى جاتتىعۋ قۇرىلعىلارى ورناتىلىپ، كەلەشەكتە سپورت الاڭىنا اينالماق.   

اماندىق باتالوۆ   الماتى وبلىسىنىڭ اكىمى   اۋدارما- جان-جاعىنا ورىندىقتار قويىپ، دەمالۋشىلارعا بار جاعداي جاساۋعا ءتيىسپىز. مۇنداي جاتتىعۋ الاڭدارى كوبەيسە تۇرعىنداردىڭ سپورتقا دەگەن قىزىعۋشىلىقتارى ارتا تۇسەدى. سونىمەن بىرگە وسى ماڭدا بالالار ءۇشىن دە ارنايى الاڭقاي اشۋ كەرەك. 

قۇرىلىس الاڭىنىڭ ءاۋ باستاعى جوباسىنا وبلىس باسشىسى ءبىرقاتار وزگەرتۋلەر ەنگىزدى. بارلىق يگى باستامالاردىڭ قىزىعىن حالىق كورۋى ءتيىس دەدى. ءارى قاراتال وزەنى بويىنداعى  دەمالىس اللەياسىن تازا ۇستاۋ بارشا قاۋىمنىڭ مىندەتى. ال كوركەيتۋ جۇمىستارى جۇيەلى تۇردە جۇرگىزىلە بەرمەك.  اماندىق باتالوۆ ساۋلەتتىك مۇسىندەر مەن اعاش-بۇتالارىن باپتاپ-كۇتۋ ىسىندە ۇنەمى مۇقياتتىلىق تانىتۋ كەرەكتىگىن دە اتاپ ءوتتى.