ترانس-شەكارالاس وزەندەردى ءتيىمدى پايدالانۋ - مەملەكەتتىك ماڭىزعا يە. بۇگىن الماتى وبلىسى اكىمىنىڭ ورىنباسارى سەرىكجان بەسكەمپىروۆتىڭ توراعالىعىمەن وتكەن جيىندا -- ءدال وسى ماسەلە جان-جاقتى سارالاندى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.
كەڭەستە بالقاش - الاكول سۋ باسسەينى ينسپەكسياسى، وبلىستىق اۋىلشارۋاشىلىق باسقارماسى باسشىلارى جانە "قازگيدرومەت" مەكەمەسى وكىلدەرى قاتىستى. الماتى وبلىسىندا جۇڭگو مەن قىرعىزستانمەن شەكارالاس ايماقتا جاتقان 17 وزەن بار. سوندىقتان، ولاردىڭ ەكى ەلدىڭ شارۋاشىلىقتارى ءۇشىن دۇرىس ءبولىنۋىن رەتتەۋ - وتە ماڭىزدى. بۇل ىستە ۇلكەن جاۋاپكەرشىلىك پەن ىجداعاتتىلىق كەرەك. بۇگىنگى تاڭدا سۋدىڭ ءار تامشىسى قۇندى، - دەدى سەرىكجان بەسكەمپىروۆ. باسقوسۋدا ترانسشەكارالىق وزەندەرگە قاتىستى جوبا-جوسپارلار قارالىپ، ءتيىستى تۇلعالارعا ناقتى نۇسقاۋ-تاپسىرمالار بەرىلدى.
