سارقان قالاسىندا ءسادۋاقاس قوجاسبايدى ەسكە الۋعا ارنالعان سپورتتىق كوپسايىستان تۋرنير ءوتتى. وبلىستىق دەڭگەيدەگى باسەكەگە 10 نان استام اۋدان مەن تالدىقورعان قالاسىنىڭ سپورتشىلارى قاتىستى. ولار ۆولەيبول، فۋتبول، كۇرەستەن سىنعا ءتۇسىپ، ۇزدىكتەرىن انىقتادى. سونىمەن قاتار شارا اياسىندا 10 جانە 15 شاقىرىمدىق مارافون دا ۇيىداستىرىلدى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.
ءسادۋاقاس قوجاسبايدىڭ سارقان جەرىندەگى سپورت سالاسىنىڭ دامۋىنا قوسقان ۇلەسى زور. 1970 جىلدان بەرى اۋداندىق سپورت مەكتەبىندە ەڭبەك ەتىپ، بالالار مەن جاسوسپىرىمدەردى سپورتتىڭ تۇر-تۇرىنە باۋلىدى. جارىستارعا بارۋىنا قولداۋ كورسەتىپ، باعىنىڭ جانۋىنا كومەگىن تيگىزدى. ەڭبەگىن اۋىلداستارى ۇمتىپايدى. ۇلدارىنىڭ دەمەۋشىلىك جاساۋىمەن بىرنەشە جىلدان بەرى ەسكە الۋعا ارنالعان وبلىستىق تۋرنير ءوتىپ كەلەدى.
تۇراتبەك شاراپييەۆ الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى
ەندى جارىس تۋرالى. ۆولەيبولدان باسەكە اۋداندىق سپورت مەكتەبىنىڭ زالىندا ءوتتى. بەرىك دولانبايەۆ تورەلىك جاساعان جارىستا كوماندالار جەڭىس ءۇشىن شەبەرلىكتەرىن ايامادى. كۇرەستەن دە باسەكە تالاس-تارتىسقا تولى بولدى. سپورتشىلار ءوز سالماقتارى بويىنشا بوز كىلەمدە بارىن سالدى. ال فۋتبولدىڭ قىزىعىن كوپشىلىك ورتالىق ستاديوندا تاماشالادى. ويىندا "جەتىسۋ" كلۋبىنىڭ قوسالقى كومانداسى دا ونەر كورسەتتى. جالپى ءتۋرنيردىڭ ءار سپورتشىعا بەرەرى كوپ دەيدى پالۋان داۋلەت نيازبەكوۆ.
داۋلەت نيازبەكوۆ ەركىن كۇرەستەن ازيا چەمپيونى
تۋرنيرعا جەتىسۋلىق جەلاياقتاردا قاتىستى. مارافون جارىسى 10 جانە 15 شاقىرىمدىق بوپ ەكىگە ءبولىندى. ۇزاق ارالىققا جۇگىرۋدەن الاكولدىك المات يماشوۆتى ەشكىم باسىپ وزا المادى. جارىستا ارداگەر سپورتشىلاردا ب ا ق سىنادى. بەلگىلى مارافونشى 66 جاستاعى بيەباي تىلەمىسوۆ جاستارعا دەس بەرمەي 100 گە جۋىق قاتىسۋشىلار اراسىنان 8 بوپ جۇگىرىپ كەلدى.
بيەباي تىلەمىسوۆ مارافونشى
سونىمەن سپورتتىق سايىستاردىڭ قورتىندىلارى مىناداي. تەڭبىل دوپتان سارقاندىق سپورت مەكتەبىنىڭ كومانداسى ءبىرىنشى، ۆولەيبولدان قاراسۋ، ەركىن كۇرەستەن سارقان اۋدانىنىڭ كومانداسى العا شىقتى. جاقسى ونەر كورسەتىپ، ءار سايىستا الدىڭعى ۇشتىكتىڭ قاتارىنان كورىنگەندەر شاتىرباي، قاپال جانە لەپسى مەن اقسۋ كوماندالارى.
