قازاقستاندىق دەسانتشىلار تەحنيكادا سۋ بوگەتتەرىنەن وتۋگە جاتتىعىپ جاتىر.  پراكتيكالىق ءىس-قيمىلدار ارنايى جابدىقتالعان سۋ قويمالارىندا ۇيىمداستىرلۋدا.  ونىڭ تەرەڭدىگى 4 جارىم مەترگە جۋىقتايدى. الماتى وبلىسىندا بۇل وقۋ-جاتتىعۋ الماتى، سارىوزەك جانە تالدىقورعان گارنيزوندارىنا قاراستى  5 اسكەري ءبولىم اراسىندا جۇرگىزىلىپ جاتىر، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

بۇل اسكەري وق-جاتتىعۋ ءقازىر ەلدىڭ ءار تۇكپىرىندە ءوتىپ جاتىر. ماقسات - جەكە قۇرامدى سۋ كەدەرگىلەرىن بۇزىپ وتۋگە، قارۋ-جاراق پەن اسكەري تەحنيكانى دايىنداۋ بويىنشا جۇمىستار تىزبەسىنە وقىتىپ-ۇيرەتۋ. ءارى قاۋىپسىزدىك شارالارىن  زەردەلەۋ. سىناققا الىنعان تەحنيكالار بتر-80 بروندى ترانسپورتەرى جانە  كوپ نىسانالى جەڭىل بروندالعان سۇيرەتپە. جاتتىعۋدا وسى كولىكتەردى تىزگىندەگەن مەحانيك-جۇرگىزۋشىلەردىڭ شەبەرلىگى سىنالادى.  

جاردەم قانگەلدييەۆ 18404 اسكەري ءبولىمى كومانديرىنىڭ ورىنباسارى  -جەكە قۇرامنىڭ ءار ساربازى مەديسينالىق تەكسەرۋدەن ءوتتى. ولار ءجۇزۋدى بىلەتىن، تەحنيكا ءتىلىن جاقسى مەڭگەرگەندەر. جاتتىعۋ سۋدىڭ ىشىندە وتكەنىمەن ءبىز قۇرلىقتا ەرەكشە كوزگە تۇسكەن جاۋىنگەرلەردى تاڭداپ وتىرمىز. سەبەبى، مىقتى سارباز سۋداعى كەدەرگىلەردەن دە ءوز قابىلەتىنىڭ قاي دەڭگەيدە ەكەندىگىن كورسەتە الادى. 

تەحنيكالار ابدەن سىناقتان وتكىزىلگەن. ياعني، سۋ وتكىزبەيدى. ول ءۇشىن تەمىر كولىكتەر 2 مينۋت سۋدىڭ ىشىندە سىنالادى. ال رەسمي جاتتىعۋ ساباعىندا ولار 3 كورسەتكىش بويىنشا باعالانادى. قۇرلىقپەن سالىستىرعاندا، ماشينانى سۋدا باعىندىرۋ قيىن. اسكەري قىزمەتشىگە باسقارۋ تەتىگىنىڭ  قالاي جۇمىس جاسايتىنىن سەزىنۋ اسا ماڭىزدى. 

اسقار بازىلحانوۆ  18/404 اسكەري ءبولىمىنىڭ تەحنيك مامانى 

وقۋ جاتتىعۋعا وسى سالانىڭ مايتالمان مامانى جەتەكشىلىك ەتىپ وتىر. وتستاۆكاداعى گەنەرال-مايور  ۆلاديمير نازارەنكو ەۋروپانىڭ تالاي وزدەندەرىنەن تەحنيكا ءتىلىن تابا وتىرىپ، ءجۇزىپ وتكەن. ەندى تاجىريبەسىن جاس ساربازدارعا ۇيرەتىپ، باس كوز بوپ ءجۇر. 

ۆلاديمير نازارەنكو   ق ر قۇرىلىق اسكەرى سالاسىنىڭ ارداگەرى 

جاتتىعۋ ءار ءتۇرلى دەڭگەيدە ءوتىپ جاتىر. ءبىرىنشى كۇنەن قاراعاندا جاۋىنگەرلەردىڭ قابىلەتى ەكىنشى كۇنى اشىلا تۇسكەن. كەمشىلىكتەرىن ءدال ۋاقىتىندا ەستەرىنە سالىپ جاتىرمىز. نەگىزى بۇل جاتتىعۋ ىلە وزەنىندە وتكگى ءتيىس بولاتىن. دەگەنىمەن ءدال قازىرگى تاڭدا اعىسى قاتتى بولعاندىقتان ساربازداردىڭ قاۋىپسىزدىگى ەسكەرىلىپ وسىنداي سۋ قويمالارىندا ۇيىمداستىرىلدى. 

جالپى ەل بويىنشا بۇل شاراعا 400-گە جۋىق اسكەري قىزمەتشى قاتىسىپ وتىر. وقۋ جاتتىعۋ ساباقتارىن وتكىزۋ  قىركۇيەكتىڭ 10 نا دەيىن جوسپارانعان.