بۇگىن ق ر پرەزيدەنتى نۇرسۇلتان نازاربايەۆ  ەسكەلدى اۋدانىنداعى «نام گ.ن.» گەرمان نام شارۋا قوجالىعىنىڭ قىزىلشا القابىنا باردى، - دەپ حابارلايدى Qamshy.kz قازاقپاراتقا سىلتەمە جاساپ.

«ءوڭىر ەكونوميكاسى سالاسىنداعى ءوسىم سەرپىنى، وبلىستىڭ مەملەكەتتىك قولداۋىنىڭ ارقاسىندا العان قارجىلاي جانە ماتەريالدىق-تەحنيكالىق قۇرالداردىڭ بولۋى ءسىز العا قويعان قانت قىزىلشاسىنىڭ بۇرىنعى اتاعىن قايتا جاڭعىرتۋ مىندەتىن ىسكە  اسىرۋعا مۇمكىندىك بەرەدى»، - دەپ اتاپ ءوتتى وبلىس اكىمى اماندىق باتالوۆ.

ەگەر 2015 جىلى قانت قىزىلشاسىن  ەگۋ  الاڭى 3،8 مىڭ گا قۇراسا، بيىل ول 6،8 مىڭ گەكتارعا  جەتتى. جالپى جيىن 240 مىڭ توننانى قۇرادى.

شق باسشىسى گەرمان نام ق ر پرەزيدەنتى نۇرسۇلتان نازاربايەۆقا شارۋاشىلىعىنىڭ جەتىستىكتەرى جايلى ايتىپ بەردى.

«نام گ.ن» شارۋا قوجالىعى 2002 جىلى ۇيىمداستىرىلدى. شارۋاشىلىقتىڭ باسىم قىزمەتى - اۋىل شارۋاشىلىعى داقىلدارىن، ونىڭ ىشىندە كوكونىستەر مەن كارتوپ ءوسىرۋ.

شارۋاشىلىقتا 75 مىڭ گەكتار جەر بار. 2015 جىلى قانت قىزىلشاسى 25 گەكتار، سويا - 11 گەكتار، كارتوپ - 30 گەكتار، كۇزدىك بيداي - 9 گەكتار تاناپقا ەگىلدى. بۇل رەتتە قانت قىزىلشاسىنىڭ ونىمدىلىگى گەكتارىنا 350 سەنتنەردى قۇرادى.