وڭتۇستىك قازاقستان وبلىسى بويىنشا اۋىل شارۋاشىلىعى داقىلدارىنىڭ ەگىس كولەمى وتكەن جىلدان 12،8 مىڭ گەكتارعا ارتىپ، 788،6 مىڭ گا القاپقا جەتتى. بيىل وبلىس ديحاندارى استىق وسىرۋدە وزىق تەحنولوگيالاردى، ونىڭ ىشىندە تەرەڭ قوپسىتۋ ءادىسىن قولدانا وتىرىپ، ۇلكەن كورسەتكىشتەرگە قول جەتكىزدى.  

ماسەلەن، ديقاندار 214،4 مىڭ گا جەرگە ماساقتى ءداندى داقىلدار ەگىپ، ونىڭ ءار گەكتارىنان 22 سەنتنەردەن (2015 ج -17،8 س/گا)، بارلىعى 470 مىڭ توننا ءونىم جيناعان. بۇل وتكەن جىلعىمەن سالىستىرعاندا 123 مىڭ تونناعا ارتىق، دەپ حابارلايدى وبلىس اكىمدىگىنىڭ باسپا ءسوز قىزمەتى. 

ايتا كەتەيىك، بيىل شارۋالار جالپى ءداندى داقىلداردان 660 مىڭ توننا ءونىم جيناۋدى جوسپارلاپ وتىر.  

سونىمەن قاتار، وبلىستا بۇگىنگى كۇنگە دەيىن 866 مىڭ توننا كوكونىس، 991 مىڭ توننا باقشا ءونىمى، 181 مىڭ توننا كارتوپ جينالدى. اگرارلى ايماقتىڭ تۇرعىندارى جالپى بيىل 125 مىڭ توننا جەمىس-جيدەك جانە 73 مىڭ توننا ءجۇزىم  جيناۋدى كوزدەپ وتىر. بۇگىنگە كۇنگە دەيىن ولار 47،6 مىڭ توننا جەمىس، 23،2 مىڭ توننا ءجۇزىم جيناعان.

جيىن-تەرىم جۇمىستارىمەن قاتار، مال ازىعىن دايىنداۋ جۇمىستارى قارقىندى جۇرگىزىلۋدە. شارۋالار ازىرگە جوسپارلاعان 3 484،4 مىڭ توننانىڭ 3747 مىڭ تونناسىن (108%) دايىنداپ ۇلگەرگەن.